Latienschool Oterndörp

Vun Wikipedia
Zur Navigation springen Zur Suche springen
De ole Latienschool 2007

De Latienschool Oterndörp weer en Latienschool in Oterndörp för de Börgers ut de Maschen von dat Land Hadeln.

Historie[ännern | Bornkood ännern]

Dat eerste Schoolgebüüd hett al 1445 stahn. Dat Land Hadeln hett as Exklaav to dat Hertogdom Sassen-Loonborg höört. Dat Hertogdom weer aver wied weg un dorüm weer för de Scholen in Hadeln alleen de Kark tostännig.

Dat hüdige Gebüüd von de Latienschool is 1614 as Fackwarkhuus in Rähmbowies boot worrn. Dat Gebüüd is von’n Klassizismus präägt. Dat drüdde Stockwark is eerst tokamen, as 1846 nich mehr noog Platz weer. De School harr vörher jümmer dree Klassen, wat nu aver nich mehr recken dee.

De Oort von de School hett sik 1829 to Progymnasium ännert, 1852 to Högere Börgerschool un 1882 to Realprogymnasium.[1]

1869 harr de School 8 Schoolmeesters un 95 Schölers in 6 Klassen.[2]

As de Schölertall wieder wassen dee, hett de Kark 1891 ehr Rechten as Schooldreger an’n Staat afgeven un dat Gebüüd denn för annere Saken bruukt. De School is 1892 in en Neebo tagen. Ok dat Enn von de Haadler Stänn 1885 hett dor mit to bidragen.[1] De Ünnerricht in de olen Spraken weer al siet 1829 weniger worrn un nadem de Staat de School övernahmen hett, is dor 1893 en Realschool von worrn.[1] 1928 hett düsse Realschool den Naam Johann-Heinrich-Voß-School kregen. De Traditschoon von de Latienschool warrt also nich dör dat Gymnasium Oterndörp foortsett, man dör de Realschool Oterndörp.

In’n Dackrieder hett fröher en Klock hungen, de aver verloren gahn is. Vondaag is in dat Gebüüd dat Karkenbüro ünnerbrocht.

Rekters[ännern | Bornkood ännern]

Dat Rekterhuus stünn in de hüdige Johann-Heinrich-Voß-Straat 8.

Schölers[ännern | Bornkood ännern]

Literatur[ännern | Bornkood ännern]

  • Ludwig Hardekopf: Untersuchungen zur Geschichte der alten Lateinschule in Otterndorf (Land Hadeln), unter besonderer Würdigung ihrer gesellschaftspolitischen Aufgaben in der Berufsvorbildung. 1960

Footnoten[ännern | Bornkood ännern]

  1. a b c http://m-v-m.de/wp-content/uploads/heimatblaetter/Heimatblatt_MvM_2007_03.pdf
  2. Ludwig Adolf Wiese: Das höhere Schulwesen in Preussen: historisch-statistische Darstellung. Sied 396f


Koordinaten:53° 48′ N, 8° 54′ O