Johann Jakob Meno Valett
Johann Jakob Meno Valett (* 3. März 1758 in Hamborg; † 6. Juni 1850) weer en düütschen Philoloog un Pädagoog.
Valett is 1758 in Hamborg boren un weer dor op dat Johanneum un von 1779 af an op dat Akadeemsche Gymnasium.[1] He hett Theologie un Philologie studeert un en Magister un Dokter maakt. Von 1788 bet 1790 weer he Privatdozent an de Universität Erlangen un hett von 1790 bet 1794 as Privatgelehrten in Bayreuth arbeidt.[1] Von 1794 bet 1799 weer he Privatdozent för Klassische Philologie an de Universität Kiel un is dor 1797 Adjunkt an de Philosophische Fakultät un Kunrekter von de Kieler Stadtschool worrn.[1] 1800 is he as Rekter an de Hauptschool von dat Land Hadeln in Oterndörp gahn.[1] Von dor is he 1810 as Rekter an de Gelehrtenschool in Glückstadt wesselt.[1] Von 1814 bet 1833 weer Valett Rekter von dat Athenaeum in Stood.[1] 1833 is he in Rohstand gahn.[1] In’n Rohstand hett he ümschichtig in Hamborg un Bardörp leevt.[1]
Valett weer twee Maal verheiraadt un harr söss Kinner: Carl Julius (21. September 1787–21. Mai 1845; Jurist), Marie, Charlotte, Henriette Christine „Bertha“ (21. Oktober 1800–6. März 1872, Schrieversche), Friedrich Wilhelm un noch een Söhn.[1]
Warken
[ännern | Bornkood ännern]- Das gerettete Venedig. Johann Andreas Lübecks Erben, Bayreuth 1795 (na Thomas Otway sien Venice Preserv'd; 1794/1795 ünner Goethe an dat Weimarer Hofftheater in Weimar toeerst op de Bühn opföhrt un in’n April 1797 ünner Iffland ok an’t Natschonaltheater in Berlin opföhrt)
