Johann Valentin Großgebauer
Johann Valentin Großgebauer (* 1655 in Rostock; † 6. Januar 1721) weer en düütschen Pädagoog.
Großgebauer is as Söhn von den Theoloog Theophil Großgebauer (24. November 1627–8. Juli 1661) in Rostock boren.
He hett toeerst an de Universität Wittenbarg Theologie studeert. 1675 keem he na Rostock trügg un is denn an de Universität Kiel gahn. Dor hett he 1677 sien Magister maakt.[1] Na disse Tied hett he Vörlesungen an de Universitäten Kiel un Rostock (Wintersemester 1682[2]) hollen un sik för Studien bi Esdras Edzardus in Hamborg un in Erfurt ophollen, 1685 in Jena, 1686 in Leipzig un bi Philipp Jakob Spener in Dresden. 1688 is he över Wittenbarg na Rostock reist. 1692 hett he en Reis na Böhmen maakt (Disputatschoon in Prag).[3]
1694 is he op Vörslag von Johann Heinrich Horb Rekter von de Latienschool Oterndörp worrn. Dat is he bet to sien Dood 1721 bleven. He gellt as Grünner von de Schoolbibliothek an de Latienschool.
Footnoten
[ännern | Bornkood ännern]- ↑ Martin Friedrich, Peter Blastenbrei: Philipp Jakob Spener: Briefe aus der Dresdner Zeit: 1688. Mohr Siebeck, 2009, Sied 95
- ↑ Indrag in dat Rostocker Matrikelportal
- ↑ August Hermann Francke, Veronika Albrecht-Birkner: Philipp Jakob Spener: Briefwechsel mit August Hermann Francke 1689-1704. Mohr Siebeck, 2006, Sied 261
