Landkreis Nienborg/Werser

Wapen	Koort

Grunddaten
Bundsland:	Neddersassen
Kreisstadt:	Nienborg
Flach:	1.398,9 km²
Inwahners:	122.989(31. Dezember 2009)
Inwahnerdicht:	88
Kreisslötel:	03 2 56
Kfz-Kennteken:	NI
Updeelen:	36 Gemeenden
Adress vun’n Kreisverwalten:	Kreishaus am Schlossplatz 31582 Nienborg/Werser
Websteed:	www.lk-nienburg.de
Landraad:	Detlev Kohlmeier (parteilos)

De Landkreis Nienborg/Werser is en Landkreis in Neddersassen. De Nahber-Landkreise sünd klockwies Landkreis Veern, Landkreis Heidkreis, Region Hannober, Landkreis Schuumborg, Kreis Minden-Lübbecke in Noordrhien-Westfalen un Landkreis Deefholt.

Historie

1885 hebbt se den Kreis Nienborg gründt, dat wer bloots de Stadt Nienborg und dat ole Amt Nienborg ümto. Bi de Kreisreform 1932 kam de fröhere Kreis Stolzenau dartau.

Mit de Drüdde Verordnung över den Neeopbo von dat Riek von’n 28. November 1938 sünd de Utdrück för de Verwaltungsbezirke in dat Düütsche Riek eenheitlich maakt worrn. Dorüm hett sik to’n 1. Januar 1939 de Naam von Kreis Nienborg/Werser op Landkreis Nienborg/Werser ännert.

De lesde Kreisreform wer 1977, dütmaal hebbt se Deele vun de uplösden Landkreise Graafschop Hoya un Niestadt na Landkreis Nienborg/Werser togäben.

Politik

Kreisdag

In´n Kreisdag sitt 50 Lüd tohope:

CDU: 23 Sitten
SPD: 19 Sitten
FDP: 2 Sitten
Bündnis 90/De Grönen: 3 Sitten
Fre’e Wählers: 3 Sitten

Wapen

Dat Wapen wiest sülverne Peerköppe up rooden Grund, de man an de välen olen Buurnhöve in Landkreis seihn kann, en swatte Barenpote up gollen Grund, de steiht för de Graafen vun Hoya und dat sülverne Büffelhorn up blauen Grund för de Graafen vun Wölpe.

Städer un Gemeenden

In de Klamern steiht de Inwahnertahl vun 31. Dezember 2009.

Eenheitsgemeenden

Nienborg, Stadt, (32.152)
Rehburg-Loccum, Stadt, (10.446)
Staarbarg, Gemeen, (5.331)

Samtgemeenden

Landkreisen un kreisfre’e Städer in Neddersassen