La femme et le pantin

Filmdaten
Originaltitel:	La Femme et le Pantin / Femmina
Düütsch Titel:	Ein Weib wie der Satan
Produkschoonsland:	Frankriek, Italien
Johr vun’t Rutkamen:	1959
Läng:	100 Minuten
Originalspraak:	Franzöösch
Filmkru
Speelbaas:	Julien Duvivier
Dreihbook:	Albert Valentin Marcel Achard (Dialoge)
Produkschoon:	Christine Gouze-Rénal Fred Surin
Musik:	Jean Wiener José Rocca
Kamera:	Roger Hubert
Dorstellers
Brigitte Bardot : Éva Marchand Antonio Vilar : Don Matteo Diaz Lilja Kedrowa : Manuela Daniel Ivernel : Berthier Dario Moreno : Arbadajian Michel Roux : Albert Jacques Mauclair : Stanislas Marchand Jess Hahn : Sidney

La Femme et le Pantin, düütsch: Ein Weib wie der Satan (alternativ Die Frau und der Hampelmann, sovöl as: En Wief as de Satan) is en franzöösch-italieensch Film vun Julien Duvivier, de in Spanien speelt un up de glieknamigen Roman vun Pierre Louÿs foot. Dat all 1898 rutkommen Book weer all 1935 mit Marlene Dietrich in de Hööftrull ("Der Teufel ist eine Frau") för dat Kino adapteert wurrn. Dat is de Geschicht vun en wohlhabenden, ölleren Mann, de sück in en düchtig jüngere Fru ut bescheeden Verhältnissen verkickt, de hüm dorför lieden lett. De Rull vun de Danserin Eva geev Brigitte Bardot jede Gelegenheit, all mit hör dormalig Image verbunnen Verwachten vun dat breedt Publikum to erfüllen.

Inholt

Wiels en traditschonell spaansch Volksfest, dat jedes Johr völ Touristen rantreckt, bemarkt de mit en Busfohrer liert Eva Marchand, dat hör en modisch kleedt öllere Mann nahlöppt. Dat hannelt sück dorbi um den verheiraadten Don Matteo Diaz, de as Playboy bekannt is. Wiels he hör mit sien Roop un sien Wohlstand beindrucken will, speelt se mit sien Geföhlen. Immer weer düüd se Interesse an, um hüm denn aber blots to demöödigen. Toletzt drifft se dat aber up de Tipp un man kann an sien Loopen sehn, dat he en braken Mann is. Dormit geiht de Film denn ok to Enn’.

Produktschoon

De Butenupnahmen wurrn in de Camargue in Frankriek un in Andalusien upnommen. Brigitte Bardot widmet den Dreiharbeiten to dissen Film in hör Autobiographie en eegen Afsnitt.

Wat man noch weeten kann

• Bi de Kritik funn disse Verfilmen vun den Roman nich so völ Upmarksomkeit as de 1977 ünner den Titel "Cet obscur objet du désir" (düütsch: Dieses obskure Objekt der Begierde") makt Version vun Luis Buñuel.

Kritik

• Dat Lexikon des Internationalen Films befunn: "|Duvivier entlarvt den Bardot-Mythos der 50er Jahre nicht durch distanzierende Ironie, sondern bestätigt ihn durch diese banale Geschichte.|Vörlaag:LdIF|ref=ja.

Weblenken

• La femme et le pantin in de Internet Movie Database (engelsch)
• Trailer