Lilja Kedrowa

Lilja Kedrowa (Russ’sch: Лиля Кедрова, engl. Schriefwies Lila Kedrova; * 9. Oktober 1918 in Petrograd; † 16. Februar 2000 in Sault Ste. Marie, Ontario) weer en franzöösche Schauspelersche, de ut Russland stammt.

Leven un Wark

Kedrowa weer de Dochter vun twee Opernsingers. Ehr Öllern weern 1922 mit ehr na Berlin utwannert un 1928 denn wieter na Frankriek, woneem ehr Mudder an’t Conservatoire de Paris ünnerrichten de. Ehr Filmloopbahn hett se vör allen mit franzöösche Filmen anfungen, bit se Mitt vun de 1960er Johren bekannt worrn is. 1965 mit de Oscar uttekent för ehr Rull as Madame Hortense in den Film Zorba the Greek (dt.: Alexis Sorbas). De glieke Rull hett se ok an’n Broadway speelt un is dorför mit den Tony Award ehrt worrn. Se hett in mehr as sösstig Produkschonen mitspeelt.

An’n 16. Februar 1968 hett se ehrn Ehmann Richard Howard heiraat. Se is 2000 in ehr Sommerwahnung in an en Lungensweer doodbleven, nadem se lang mit de Alzheimer-Krankheit to kriegen harr.

Filmografie (Utwahl)

Johr	Titel	Synchroonsnacker
1938	Ultimatum
1953	Weg ohne Umkehr
1955	Razzia sur la chnouf dt.: Razzia in Paris	Gisela Trowe
1959	La femme et le pantin dt.: Ein Weib wie der Satan
1961	Les Concini, Feernsehn
1964	Zorba the Greek dt.: Alexis Zorbas	Tina Eilers
1965	A High Wind in Jamaica dt.: Sturm über Jamaika	Tina Eilers
1966	Torn Curtain dt.: Der zerrissene Vorhang	Tina Eilers
1966	Maigret à Pigalle dt.: Maigret und der Würger von Montmartre	Gisela Reißmann
1972	Rak
1974	Soft Beds, Hard Battles dt.: Weiche Betten, harte Schlachten	Dagmar Altrichter
1976	Le locataire dt.: Der Mieter	Eva Lissa
1978	Le paradis des riches
1979	Les égouts du paradis dt.: Der Weg ins Paradies
1979	Clair de femme dt.: Die Liebe einer Frau	Tilly Lauenstein
1980	The Ghost Sonata, Feernsehn
1980	Tell Me a Riddle
1982	Blood Tide dt.: Das Monster aus der Tiefe
1988	Some Girls
1991	A Star for Two dt.: Ein Stern für zwei	Angelika Bender

Utteken

Kedrowa weer för den Film Zorba the Greek för fief verschedene Filmpriesen vörslahn, bleev för annere Filmen aver ahn Nomineeren. Uttekent weer se blots eenmol mit den Oscar in de Kategorie Best Nevenrull.

Weblenken

Lilja Kedrowa in de Internet Movie Database (engelsch)