Gisela Trowe

Gisela Trowe (* 5. September 1922 in Düörpm; † 5. April 2010 in Hamborg) weer en düütsch Schauspelerin un Synchroonsnackerin.

Leven un Wark

Gisela Trowe nehm während den Tweeten Weltkriegs Gesangs- un Schauspelünnerricht, anfang in hör Heimatstadt Düörpm, denn in Baukem un Berlin. Hör Debüt an’t Theater harr se 1942 in Gera mit Lessings Minna von Barnhelm. Nah dem Krieg bleev se eerst in’ Oosten, weer fast engageert in Gera, keem denn nah Berlin, wo se an dat Hebbel-Theater un an dat Berliner Ensemble speel.

Ünner Regisseur Erich Engel is se 1948 in hör eerst Film Affaire Blum uptreden un gung nich weer nah den Oosten torüch. Se speel jetzt an dat Theater in der Josefstadt in Wien, later an de Münchner Kammerspiele un an dat Thalia-Theater in Hamborg. Se hett mit Regisseuren as Gustaf Gründgens un Giorgio Strehler arbeit.

Nebenbi arbeit Trowe as Synchroonsnackerin för international Stars as Melina Mercouri, Gina Lollobrigida, Rita Hayworth, Simone Signoret, Anna Magnani oder Shelley Winters.

Ok in tallriek Hörspelen as Die Säulen der Erde, Die drei ??? oder Hui Buh is hör Stimm to hörrn.

För dat allgemeen Feernsehpublikum wurr se in hör later Johren dör Serien as Unser Lehrer Doktor Specht mit Robert Atzorn, Ein Bayer auf Rügen oder Der Landarzt bekannt. Hör Markenteken weern hör root Hoor.

2002 wurr Trowe mit de Biermann-Ratjen-Medaille för hör künstlerisch Verdeensten um de Stadt Hamborg ehrt.

Filmografie (Utwahl)

Johr	Titel
1948	Straßenbekanntschaft
1948	Affaire Blum
1951	Der Verlorene
1952	Unter den tausend Laternen
1953	Keine Angst vor großen Tieren
1956	Damals in Paris
1957	Wo Du hin gehst…
1960	Parkstraße 13, Feernseh-Minireeg
1963	Die Mondvögel, Feernsehn
1965	Vorsicht bei grauen Schläfen, Feernsehn
1967	Ist er gut? - Ist er böse?, Feernsehn
1969	Eika Katappa
1971	Das Freudenhaus
1976	Charleys Tante, Feernsehn
1976	Die Erzählungen Bjelkins, Feernsehn
1977	Der doppelte Moritz, Feernsehn
1979	Eine Dummheit macht auch der Gescheiteste, Feernsehn
1980	Teegebäck und Platzpatronen, Feernsehn
1981	Didi Hallervorden – Alles im Eimer
1990	Ewald – Rund um die Uhr, Feernsehn
1992-93	Unser Lehrer Doktor Specht, Feernsehreeg
1995	Der Mörder des Babysitters, Feernsehn
1997	Die drei Mädels von der Tankstelle
2000	Kalt ist der Abendhauch
2001	Die Braut meines Freundes, Feernsehn
2003	Dann kamst du, Feernsehn
2003	Gestern gibt es nicht, Feernsehn
2005	Meine große Liebe, Feernsehn
1987-2008	Der Landarzt, Feernsehreeg
2009	Liebe Mauer

Literatur

F.-B. Habel und Volker Wachter: Lexikon der DDR-Stars. Schauspieler aus Film und Fernsehen, Schwarzkopf und Schwarzkopf, Berlin 1999, S. 342. ISBN 3-89602-304-7
F.-B. Habel: Lexikon. Schauspieler in der DDR, Verlag Neues Leben, Berlin 2009, S. 436/437. ISBN 978-3-355-01760-2
Langen Müllers Schauspielerlexikon der Gegenwart. Deutschland. Österreich. Schweiz. Albert Langen. Georg Müller Verlag. München Wien 1986, S. 1036. ISBN 3-7844-2058-3

Weblenken