Klint (Landkreis Heidkreis)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Klint
Laag vun Klint in Düütschland
Basisdaten
Bundsland: Neddersassen
Landkreis: Heidkreis
Gemeen: Fambossel
Inwahners:
Postleettall: 29683
Vörwahl: 05162
Geograafsche Laag:
Koordinaten:52° 53′ N, 9° 43′ O
52° 53′ N, 9° 43′ O

Klint (hoochdüütsch Klint) is en lütten Oort in de Gemeen Fambossel in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Vier.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt över de Böhm af.

De Naveröörd sünd Kriegerweg in’n Noordoosten, Vier in’n Oosten, Küddelse in’n Süüdoosten, Gröönhagen in’n Süden, Fambossel in’n Süüdwesten, Adolfsheid in’n Westen un Lehmhorst in’n Noordwesten.

Historie[ännern | Bornkood ännern]

De Naam von’n Oort kummt von dat Klint an’n Süüdrand von’n Oort, also dat steile Över von de Böhm.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Buurschop Vier in’n Kanton Visselhöövd höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Soltau in’n Kanton Wasra.

De Oort hett vör 1852 to de Huusvaagdie von de Amtsvaagdie Fambossel-Soltau tohöört un denn von 1852 bet 1885 to dat Amt Fambossel. Na 1885 weer dat in’n Kreis Fambossel. 1977 is dat Deel von’n Landkreis Soltau-Fambossel worrn, de siet 2011 Landkreis Heidkreis heet.

De Oort hett von öllers bi de Buurschop un later de Gemeen Vier mit bihöört, de an’n 1. März 1974 mit de Gemeenreform in Neddersassen Deel von de Gemeen Fambossel worrn is. Sietdem höört Klint binnen de Gemeen to de Oortschop Vier, de en egen Oortsvörsteiher hett.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1812-00-001812[2] 28
1824-00-001824[3] 2 Füürsteden
1848-00-001848[4] 25 Lüüd. 4 Hüüs
1871-12-011. Dezember 1871[5] 27 Lüüd. 3 Hüüs
1885-12-011. Dezember 1885[6] 22 Lüüd. 3 Hüüs
1905-12-011. Dezember 1905[7] 22 Lüüd. 3 Hüüs

Religion[ännern | Bornkood ännern]

Klint is evangeelsch-luthersch präägt un höört to dat Kaspel von de Dionysius-Kark in Fambossel.

För de Kathoolschen is de St.-Maria-Kark in Wasra tostännig.

Weertschop un Infrastruktur[ännern | Bornkood ännern]

För Klint is de freewillige Füürwehr Fambossel mit tostännig.

Verkehr[ännern | Bornkood ännern]

An Klint löppt de Landsstraat 163 langs, de in’n Noordoosten över Vier na Derpmark (dor an de Bundsstraat 440 anbunnen) un na Soltau geiht un in’n Süüdwesten na Fambossel. De L 163 is in Fambossel an de B 209 anbunnen.

De nächste Autobahn is de Autobahn 7 (Afsnidd HamborgHannover). De Opfohrt 47 Fambossel liggt so veer Kilometer in’n Süüdwesten von Klint an de B 209.

De nächste Bahnhoff is so bi dree Kilometer wied weg in’n Süüdwesten de Bahnhoff Fambossel an de Heidbahn.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 128
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 116
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 334
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 109
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 91
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 99
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 49