Zum Inhalt springen

Karol Joseph Bobko

Vun Wikipedia
Offiziell NASA-Foto

Karol Joseph „Bo“ Bobko (* 23. Dezember 1937 in New York City, New York; † 17. August 2023[1]) weer en US-amerikaansch Astronaut vun litauisch-poolsch Afstammen.[2] As eenzig Astronaut hett he an twee Jumfernflüüg vun twee Space Shuttles (Challenger un Atlantis) deelnommen.

Utbillen[ännern | Bornkood ännern]

Bobko hett Luft- un Ruumfahrttechnik studeert un kreeg 1959 en Bachelor vun de United States Air Force Academy as ok 1970 en Master vun de University of Southern California.

1960 kreeg Bobko nah sien Utbillen dör de United States Air Force up de Bartow Air Base in Florida un de Vance Air Force Base in Oklahoma sien Pilotenschien. Van 1961 bit 1965 wurr he up Luftwappenbasen in New Mexico, North Carolina un Kalifornien insett.

Astronautentätigkeit[ännern | Bornkood ännern]

In‘n Juni 1966 wurr he vun de United States Air Force as Astronaut för dat Manned-Orbiting-Laboratory-Programm (MOL) utwählt, dat aber nich ümsett wurr. wurde.

Nahdem de Air Force dat MOL-Programm upgeev, wurrn in’n August 1969 eenige vun de dorför vörsehn Astronauten vun de NASA övernommen, dorünner ok Bobko.

Dor hett he an dat Skylab Medical Experiments Altitude Test (gemeensam mit Robert Laurel Crippen un William Edgar Thornton deelnommen, en 56-Daag lang düern Skylab-Simulatschoon up de Eer. Bobko weer Liddmaat vun de Ünnerstüttensmannschapen för dat Apollo-Sojus-Projekt (ASTP) un för de Landeanfloog- un Landetests vun dat Space Shuttle up de Edwards Air Force Base. Bi de Shuttle-Tests weer he ok as Verbinnensspreker (CAPCOM) un as Ersatzpilot insett. Ok an de Vörbereiten för den eersten Shuttle-Start vun de Columbia (STS-1) weer Bobko bedeeligt.

STS-6[ännern | Bornkood ännern]

Am 4. April 1983 flog Bobko as Pilot up den Jumfernfloog vun de Ruumfähre Challenger to’n eersten Mal in’t All. Kommandant vun disse Mission weer Paul Joseph Weitz. Dorto keemen de beid Missionsspezialisten Donald Herod Peterson un Franklin Story Musgrave. Peterson un Musgrave weern ok to’n eersten Mal in’n Insatz. Hööftupgaav vun dit Ünnernehmen weer dat Utsetten vun TDRS-1, en NASA-eegen Nahrichtensatelliten, un de Erprooven vun de nee Ruumantüüch bi den eersten amerikaanschen Weltruumutstieg siet Skylab.

STS-41-F[ännern | Bornkood ännern]

Disse Mission weer för August 1984 mit de Discovery plaant. Dat weer de eerste Floog vun de Discovery ween. Dat wurr aber afseggt, wiel dat Verzögerungen bi de Bruuklast geev. As Besatten weern Karol Bobko, Donald Edward Williams, Rhea Seddon, David Griggs un Jeffrey Alan Hoffman vörsehn. De Floog wurr denn de Mission STS-51-E.

STS-51-E[ännern | Bornkood ännern]

Disse Floog vun de Challenger wurr wegen Problemen vun de IUS-Böverstuuf afseggt. Man wull mit disse Mission en TDRS-Satellit utsetten. As Crew weern Karol Bobko, Donald Williams, Rhea Seddon, David Griggs, Jeffrey Hoffman, de franzöösch Bruuklastspezialist Patrick Baudry un de Politiker Jake Garn vörsehn.

STS-51-D[ännern | Bornkood ännern]

An‘n 12. April 1985 is de Ruumfähre Discovery mit Bobko as Kommandant in den Weltruum start. Pilot weer Donald Williams. De Missionsspezialisten weer Rhea Seddon, David Griggs un Jeffrey Hoffman un de Bruuklastspezialisten Charles David Walker un Jake Garn. Bruuklast weern ditmal de beid Satelliten TELESAT-9 un LEASAT-3.

STS-51-J[ännern | Bornkood ännern]

Sien darte Mission weer as Kommandant an’n 3. Oktober 1985 de Jumfernfloog vun de Ruumfähre Atlantis. Mit an Bord weer en geheime Bruuklast vun dat US-Verteidigungsministerium. Dorum weer ok de Bruuklastspezialist William Arthur Pailes vun de USAF mit an Bord. Letztlich wurrn twee DSCS III-Kommunikatschonssatelliten utsett. Pilot bit dit Ünnernehmen weer Ronald John Grabe un de Missionspezialisten David Carl Hilmers un Robert Lee Stewart.

Nah de NASA[ännern | Bornkood ännern]

1988 is Bobko ut de NASA un de Air Force utscheeden un hett bi de Firma Booz Allen Hamilton in Houston (Texas) arbeit.

Af dat Johr 2000 weer he bi SPACEHAB Inc. Viezpräsident för Produktentwicklung.

2005 wessel Bobko to SAIC, wo he Programmmanager för de Ünnerstütten vun de NASA Ames Simulation Laboratories (SimLabs) weer. SimLabs besteiht ut dree Floogsimulator-Systemen, de för staatliche un private Zwecke insett wurrn.

Privates[ännern | Bornkood ännern]

Karol Bobko un sien Fru Dianne harrn twee Kinner (een Dochter un een Söhn). He wurr in de Astronaut Hall of Fame upnommen.

Weblinks[ännern | Bornkood ännern]

Karol Joseph Bobko. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Karol ‘Bo’ Bobko, astronaut who flew 3 shuttle missions, dies at 85. collectspace.com, 18. August 2023, afropen an’n 18. August 2023 (engelsch).
  2. Visit of Dr. Simon P. Worden, Director of the NASA Ames Research Center, and COL Karol J. Bobko, Former NASA Astronaut