Donald Herod Peterson

Vun Wikipedia
Zur Navigation springen Zur Suche springen
NASA-Photo van Donald Peterson

Donald Herod Peterson (* 22. Oktober 1933 in Winona, Bundsstaat Mississippi, USA; † 27. Mai 2018) weer en ehmalger US-amerikaansch Astronaut.

Peterson kreeg 1955 sien Bachelor vun de Militärakademie West Point un 1962 en Master in Nukleartechnik vun dat Air Force Institute of Technology. Nah West Point weer Peterson as Pilotenutbiller, Karnwappenspezialist un Kamppilot bi de United States Air Force tätig.

Astronautentätigkeit[ännern | Bornkood ännern]

MOL[ännern | Bornkood ännern]

1967 wurr Peterson för dat MOL-Programm vun de US Air Force utwählt. He weer as Besatten vun der militärisch Ruumstatschoon vörsehn, bit dat Programm 1969 insellt wurr.

1969 wurr Peterson in dat NASA-Astronautenteam upnommen. För de Mission Apollo 16 weer he Liddmaat vun de Ünnerstüttensmannschap.

STS-6[ännern | Bornkood ännern]

STS-6 weer de Jumfernfloog vun den Orbiter Challenger un funn an‘ 4. April 1983 statt. Paul Joseph Weitz weer Kommandant vun de Mission, Karol Joseph Bobko de Pilot. Dorto keemen de beid Missionsspezialisten Donald Herod Peterson un Franklin Story Musgrave. Mit Utnahm vun Weitz hemm all anner Astronauten ehrn eersten Floog maakt un för Peterson bleev dat ok de eenzige Insatz. Hööftupgaav vun dit Ünnernehmen weer dat Utsetten vun TDRS-1, en NASA-eegen Nahrichtensatelliten, un de Erprooven vun de nee Ruumantüüch bi den eersten amerikaanschen Weltruumutstieg siet Skylab. Dat hemm Peterson und Musgrave maakt.

Enn‘ 1984 is Peterson ut de NASA utscheeden un hett dornah as Berader in den Beriek vun de bemannt Ruumfohrt arbeit.

Privates[ännern | Bornkood ännern]

Peterson un sien Fru Bonnie harrn tosommen 3 Kinner.

Weblenken[ännern | Bornkood ännern]

Commons-logo.svg Donald Herod Peterson. Mehr Biller, Videos oder Audiodateien to’t Thema gifft dat bi Wikimedia Commons.