Robert Laurel Crippen

Vun Wikipedia
Robert Crippen, NASA-Foto

Robert Laurel „Bob“ Crippen (* 11. September 1937 in Beaumont, Texas, USA) is en ehmalger US-amerikaansch Astronaut.

Leven[ännern | Bornkood ännern]

Crippen is in Porter (Texas) upwussen. He hett de New Caney High School in New Caney (Texas) aafslooten un kreeg 1960 en Bachelor in Luft- und Ruumfohrttechnik vun de University of Texas.

In Florida un Texas wurr Crippen to'n Marinepiloten utbildt. Van Juni 1962 bit November 1964 wurr he de Flottenstaffel VA-72 as Pilot an Bord vun den Floogtüügdräger USS Independence todeelt. Dornah hett he de USAF Aerospace Research Pilot School up de Edwards Air Force Base in Kalifornien besöcht un bleev dor bit to sien Utwahl in dat USAF Manned Orbiting Laboratory (MOL) Program in' Juni 1966. Crippen weer in de tweet Grupp vun de Piloten, de to dat MOL-Programm todeelt wurrn. As de Air Force hör bemannt Ruumfahrtprogramm upgeev, wurrn 7 vun hör 17 Astronauten, dorünner Bob Crippen, vun de NASA övernommen.

Astronautentätigkeit[ännern | Bornkood ännern]

Crippen weer tonächst Liddmaat vun de Ünnerstüttensmannschap (Support Crew) för de Missionen Skylab 2, Skylab 3 un Skylab 4, as ok för dat Apollo-Soyuz-Test-Projekt (ASTP), dat spoodriek in' Juli 1975 afslooten wurr.

STS-1[ännern | Bornkood ännern]

An' 12. April 1981 is Crippen as Pilot vun de Columbia to de eerst Space-Shuttle-Mission STS-1 start. Dat weer de eerste Weltruumfloog vun en wedderbruukbar Ruumfohrtüüch. Kommandant vun STS-1 weer John Young.

De NASA hett STS-1 as den "kühnsten Testfloog in de Geschichte" ("the boldest test flight in history") betekent.

STS-7[ännern | Bornkood ännern]

To de tweet Mission vun de Challenger is Crippen an' 18. Juni 1983 as Kommandant start. Dat weer de eerste Mission mit en Mannschap vun 5 Astronauten. Sien Pilot weer Frederick Hamilton Hauck. Dorto keemen de Missionsspezialisten John McCreary Fabian, Sally Kristen Ride un Norman Earl Thagard. Wiels den söss Daag lang düern Floog wurrn de Satelliten ANIK C-2 un PALAPA B-1 utsett. Buterdem wurr to'n eersten Mal mit den Roboterarm (RMS) de Forschungsplattform SPAS-01 utsett un weer infangen. Mit Sally Ride is todem de eerst amerikaansch Frau in't All flagen.

STS-41-C[ännern | Bornkood ännern]

Wiels de söben Daag lang düern Mission in' April 1984 weer Crippen weer Kommandant vun de Challenger. Sien Pilot weer ditmal Francis Richard Scobee, de Missionsspezialisten Terry Jonathan Hart, James Dougal Adrianus van Hoften un George Driver Nelson. En Hööchtpunkt vun de Mission weer de Reparatur vun den Satelliten Solar Maximum Mission (SMM) direkt in' Orbit. Buterdem wurr de Long Duration Exposure Facility (LDEF) mit 57 Experimenten utsett un in en latere Mission weer infangen un torüch to de Eer brocht.

STS-41-G[ännern | Bornkood ännern]

As Kommandant vun de Challenger is Crippen an' 5. Oktober 1984 to'n eersten Mal mit en Crew vun söben in't All flagen. As Pilot weer Jon Andre McBride an Bord. Dat weer de eerste Floog mit twee Fruen an Bord (Sally Kristen Ride un Kathryn Sullivan), wobi Sullivan todem as eerste US-Amerikanerin en Butenbordinsatz (EVA) dörführen dee. De anner Missionsspezialist weer David Cornell Leestma. Dorto keemen de Bruuklastspezialisten Mark Garneau ut Kanada un Paul Desmond Scully-Power ut de USA. Neben den Earth Radiation Budget Satellite wurr en Mehrtall vun Experimenten mitführt.

STS-62-A (Afseggt)[ännern | Bornkood ännern]

Crippen weer ok noch as Kommandant för den eersten Start vun en Space Shuttle vun den Startkomplex SLC-6 up de Vandenberg Air Force Base vörsehn. Nah de Challenger-Katastrooph wurr disse Mission aber nich mehr dörführt.

Wiedere Aktivitäten bi de NASA[ännern | Bornkood ännern]

Nah sien aktiven Astronautentätigkeit wurr Crippen 1986 de stellvertreden Direkter vun den Beriek Shuttle Operations in dat Kennedy Space Center (KSC) un weer dor för de Shuttle-Vörbereiten un Missionsutführen, as ok för de Rückkehr vun de Orbiter vun de Edwards Air Force Base to dat KSC tostännig. In' Januar 1990 wurr Crippen Direkter vun dat NASA Hööftquartier in Washington, D.C.. Af Januar 1992 weer he för dree Johr Direkter vun dat Kennedy Space Center (KSC) in Florida un weer dor för 22 Flüüg vun dat Space Shuttle verantwoortlich.

Nah de NASA[ännern | Bornkood ännern]

Af April 1995 weer Crippen Viezpräsident vun Lockheed Martin Information System un is in' Dezember 1996 as Präsident to Morton Thiokol, hüüd as ATKs Launch Systems Group Deel vun dat Rüstungs- un Luftfohrtünnenehmen Alliant Techsystems wesselt.[1]

Besünnerheiten un Rekorde[ännern | Bornkood ännern]

  • eerst Space-Shuttle-Floog (STS-1)
  • eerst Minsch, de mit en Faststoffraketenantrieb in't All flagen is (STS-1)
  • eerst Lannen vun en Ruumfohrtüüch in' Gleitfloog (STS-1)
  • eerst Ruumfahrtmission mit fief Besattensliddmaaten (STS-7)
  • eerst Ruumfohrtmission mit söben Besattensliddmaaten (STS-41-G)
  • eerst Minsch, de veer mal mit en Space-Shuttle flagen is

Ehrungen[ännern | Bornkood ännern]

2006 wurr Crippen de Congressional Space Medal of Honor to'n Anlaat vun dat 25-johrig Jubiläum vun den eersten Space-Shuttle-Flugs STS-1 verleeht. John Young, de Kommandant vun STS-1, kreeg för disse Mission de glieker Utteken all 1981.

Enkeld Nahwiesen[ännern | Bornkood ännern]

  1. NASA:Astronaut Bio: Robert L. Crippen (07\2001) van' Juli 2001, afropen an' 26. Juni 2013 (engelsch)

Weblenken[ännern | Bornkood ännern]

Robert Crippen. Mehr Biller, Videos oder Audiodateien to’t Thema gifft dat bi Wikimedia Commons.