Kanton Vesack
De Kanton Vesack weer as Kanton en Verwaltungsrebeed in de Franzosentied (1810-1813). De Seet weer Vesack.
Historie
[ännern | Bornkood ännern]De gröttere Deel von dat Rebeed weer vörher Deel von dat Hertogdom Bremen (Kurförstendom Hannover) un hett dor to dat Amt Blomendal, de Gerichten Swonewebel, Leessem-Schönebeck un Hu’e un den Bezirk Oosterstood von dat Amt Hagen höört. Vesack sülvs aver hett siet 1803 bi de Stadt Bremen bihöört.
An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.
Binnen Westfalen is de Oort Blomendal Seet von’n Kanton Blomendal in’t Departement von de Elv- un Wersermünn worrn. Dat hett sik to’n 1. Januar 1811 ännert. Dat Königriek Westfalen hett dat Departement direkt an dat Franzöösche Kaiserriek afgeven. De Kanton Blomendal is oplööst worrn un dor is denn tohoop mit Vesack de Kanton Vesack nee ut billt worrn. Dat weer nu een von de söss Kantons, ut de de Distrikt Bremerleh in dat Departement von de Wersermünnen tohoopsett weer.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor.
De Kanton harr 9584 Inwahners[1] un weer indeelt in veer Mairien:
