Käte Strobel

Vun Wikipedia
Käte Strobel, 1968

Käte Strobel (* 23. Juli 1907 in Nürnbarg, als Käte Müller; † 26. März 1996 ok dor) weer en düütsch Politikerin (SPD). Se weer van 1966 bit 1969 Bundsministerin för dat Gesundheitswesen un van 1969 bit 1972 Bundsfamilienministerin.

Leven un Berop[ännern | Bornkood ännern]

Käte Strobel weer dat veerte vun söben Kinner vun den Schoster un lateren Stadtraat Fritz Müller un sien Fru Anna, de Kook lehrt harr. Nah den Besöök vun de Volks- un Wertschapsschool hett se bi den Landsverband för Aaft- un Gordenbau en koopmännsch Utbillen maakt. Van 1923 bit 1935 weer se dor as koopmännisch Angestellte beschäftigt, van 1935 bit 1939 as Bookhollersche.

1928 hett se den Schriftsetter un lateren Bookdruckermeester Hans Strobel heiraaadt. Hör Mann hett sück ebenfalls bi de Sozialdemokraten insett. 1934 wurr he wegen Vörbereiten vun den Hoochverrat veroordeelt un tweeeenhalf Johr in dat Konzentratschonslager Dachau interneert. Later nehm he in en Straafbataillon an‘n Tweeten Weltkrieg deel un keem in jugoslaawsch Kriegsfangenschap, ut de he 1946 torüch keem.

1938 un 1941 kreegen de Strobels twee Döchter Traudel un Ilse (later Stadträtin in Nürnbarg).

Nah dat Enn vun hör aktiv politisch Loopbahn leev Käte Strobel in Nürnbarg, wo se 1996 storven is. Hör Graffstäe befinnd sück up den Süüdkarkhoff.

Partei[ännern | Bornkood ännern]

All in hör Jöögd weer Käte Strobel in de Sozialdemokratie aktiv. So hett se sück af ab 1921 in de sozialistisch Jöögdbewegen inbrocht un weer af 1924 Liddmaat vun de Kinderfreundebewegung, en Vörlöperorganisatschoon vun de Sozialistischen Jugend Deutschlands – Die Falken. Bi de Kinderfreunden steeg se bald to de Landsvörsittersche up, weer af 1932 ok Liddmaat vun de Rieksleitung un behull disse Positschoon bitt o dat Verbot vun de Organisatschon dör de Natschonalsozialisten in dat Johr 1933.

Siet 1925 bit to’n Verbot 1933 hörr se de SPD an. Nah Kriegsenn’n weer se bi den Wedderupbau vun de Partei in Franken un Bayern dorbi un harr af 1946 den Vörsitt vun de SPD-Fruengruppen in Franken inne. Doröver herut weer se stellvertreden Vörsittersche vun den Bezirksverband Franken vun de SPD as ok Liddmaat in’n Landsutschuss vun de Bayern-SPD.

1961 un 1965 hörr se to de Regeerensmannschapen vun Willy Brandt för den Fall vun en Wahlsieg bi de Bundsdagswahl. Van 1958 bit 1971 weer se Liddmaat vun den Bundsvörstand vun de SPD un hörr 1966 bit 1970 to dat Präsidium vun de SPD. Dornah weer se in de SPD-Bundschiedskommission un Vörsittersche vun den SPD-Seniorenraat.

Afordnete[ännern | Bornkood ännern]

Van 1949 bit 1972 weer Käte Strobel Liddmaat vun den Düütschen Bundsdag. Dorbi keem se 1949, 1953 un 1957 över de Landeslist vun hör Partei in dat Parlament, af 1961 jewiels as direkt wählt Afordnete.

Van’n 27. Februar 1958 bit 26. Januar 1967 weer se ok Liddmaat vun dat Europaparlament, wo se vun’n März 1962 bit März 1964 Viezpräsidentin weer. Vun’n März 1964 bit Januar 1967 weer Strobel Vörsittersche vun de Sozialistische Fraktschoon in dat Europaparlament.

Vun 1972 bit 1978, nah dat Enn vun hör Bundsdagstogehörigkeit, weer se Liddmaat vun den Stadtraat vun Nürnbarg.

Apenlich Ämter[ännern | Bornkood ännern]

An‘n 1. Dezember 1966 wurr se as Bundsministerin för dat Gesundheitswesen in de vun Bundskanzler Kurt Georg Kiesinger führt Bundsregeeren vun de Groot Koalitschoon beropen. En vun hör Anliggen weer de sexuelle Upklärung, to’n Bispeel dör de Herutgaav vun den Sexualkunde-Atlas un de Herstellung un Upführung vun de Upklärungsfilm Helga.

Nah de Bundsdagswahl 1969 wurr se Bundsministerin för Jöögd, Familie un Gesundheit in de vun Willy Brandt leit Bundsregeeren. Nah de Bundsdagswahl 1972 is se an’n 15. Dezember 1972 ut de Bundsregeeren utscheeden.

Ehrungen[ännern | Bornkood ännern]

  • 1962: Bayerischer Verdienstorden
  • 1969: Groot Verdeenstkrüüz mit Steern
  • 1972 Groot Verdeensrkrüüz mit Steern un Schullerband
  • 1980 Ehrenbörgerwürde vun de Stadt Nürnbarg (as eerst un bitlang eenzig Fru)

Dorneben hett man in Nürnbarg ok en Straat nah hör nöömt. Ok de „Käte-Strobel-Wanderweg“ in Gummersbach-Oberrengse un dat dortige Naturfrüendenhuus/Familien-Ferien-Zentrum, dat vun hör inweeht wurr, drocht hör Naam.

Zitat[ännern | Bornkood ännern]

„Politik ist eine viel zu ernste Sache, als dass man sie allein den Männern überlassen könnte.“

Literatur[ännern | Bornkood ännern]

Weblinks[ännern | Bornkood ännern]

Käte Strobel. Mehr Biller, Videos oder Audiodateien to’t Thema gifft dat bi Wikimedia Commons.