Aenne Brauksiepe

Aenne Brauksiepe, boren Engels (* 23. Februar 1912 in Duisburg; † 1. Januar 1997 in Oelde) weer en düütsch Politikerin (CDU). Se weer van 1968 bit 1969 Bundsministerin för Familie un Jöögd.

Utbillen un Berop[ännern | Bornkood ännern]

Nah dat Abitur 1931 weer se van 1932 bit 1934 as Bildnerin in de Behinnertenfürsorge tätig. Wiel se wegen dat politisch Engagement vun hör Öllernhuus in de Zentrumspartei in dat natschonalsozialistische Düütschland nich studeeren kunn, gung se 1934 nah Schottland, wiel se dor en Studium vun de Philologie upnehmen wull. Dat weer aber weder dor, noch in den Nedderlannen, wo se mit hör Mann af 1937 leev, mögelk. 1943 kehr se nah Düütschland torüch. Brauksiepe weer 1. Vörsittersche vun den düütschen Twieg vun de „St. Joan's International Social and Political Alliance“ un 2. Vörsittersche vun den Kathoolsch Düütsch Fruenbund.

Partei[ännern | Bornkood ännern]

Siet 1945 weer Brauksiepe Liddmaat vun de CDU. 1956 wurr se in den CDU-Bundsvörstand wählt. Van 1958 bit 1971 weer se denn Vörsittersche vun de Frauen-Union. Van 1966 bit 1969 weer se Liddmaat in dat Präsidium vun de CDU un van 1967 bit 1969 buterdem stellvertreeden CDU-Bundsvörsittersche.

Afordnete[ännern | Bornkood ännern]

Nah 1945 weer Brauksiepe tonächst Stadtverordnete in Köln. Van 1949 bit 1972 weer se Liddmaat vun den Düütschen Bundsdag. 1949 bit 1961 un 1965 wurr se jewiels direkt wählt (Wahlkreis Köln I bzw. Köln III, 1969 keem se över de Landslist in den Bundsdag. Brauksiepe weer van’n 15. Dezember 1964 bit 3. Oktober 1968 stellvertreeden Vörsittersche vun de CDU/CSU-Bunddagsfraktschoon.

Apenlich Ämter[ännern | Bornkood ännern]

An‘n 16. Oktober 1968 wurr Aenne Brauksiepe as Bundsministerin för Familien un Jöögd in de vun Bundskanzler Kurt Georg Kiesinger führt Bundsregeeren beropen. Nah de Bundsdagswahl 1969 is se an’n 21. Oktober 1969 ut de Bundsregeerenn utscheeden. In hör kört Amtstiet hett se sück besünners vör mehr Deeltietarbeit un de Förderung vun Ganzdagsscholen insett.

Ehrungen[ännern | Bornkood ännern]

1968: Verdeenstkrüüz 1. Klass vun de Bundsrepubliek Düütschland
1969: Groot Verdeenstkrüüz mit Steern vun de Bundsrepubliek Düütschland
An‘n 13. Januar 1997 wurr se as eerst Fru mit en Truerstaatsakt in Oelde ehrt.

Literatur[ännern | Bornkood ännern]

Walter Henkels: 99 Bonner Köpfe, dörkeeken un utwiet Utgaav, Fischer-Bücherei, Frankfort an‘n Main 1965, S. 54f.
Rudolf Vierhaus, Ludolf Herbst (Hrsg.), Bruno Jahn (Mitarb.): Biographisches Handbuch der Mitglieder des Deutschen Bundestages. 1949–2002. Bd. 1: A–M. K. G. Saur, München 2002, ISBN 3-598-23782-0, S. 94.

Weblinks[ännern | Bornkood ännern]

Aenne Brauksiepe. Mehr Biller, Videos oder Audiodateien to’t Thema gifft dat bi Wikimedia Commons.

DNB-Katalog