Jumpin’ Jack Flash
| Filmdaten | |
|---|---|
| Plattdüütsch Titel: | — |
| Originaltitel: | Jumpin’ Jack Flash |
| Düütsch Titel: | Jumpin’ Jack Flash |
| Produkschoonsland: | USA |
| Johr vun’t Rutkamen: | 1986 |
| Läng: | 101 Minuten |
| Originalspraak: | Engelsch |
| Öllersfreegaav in Düütschland: | FSK – |
| Filmkru | |
| Speelbaas: | Penny Marshall |
| Dreihbook: | David Franzoni Patricia Irving J.W. Melville Chris Thompson |
| Produkschoon: | Lawrence Gordon Joel Silver |
| Musik: | Thomas Newman |
| Kamera: | Matthew F. Leonetti |
| Snitt: | Mark Goldblatt |
| Szenenbild: | Robert F. Boyle |
| Kledaasch: | Susan Becker |
| Dorstellers | |
| |
Jumpin’ Jack Flash is de Titel vun en US-amerikaansche Filmkummedie vun 1986. De Titel speelt op dat bekannte Leed mit de lieken Titel vun de Musikgrupp The Rolling Stones an.
Inholt
[ännern | Bornkood ännern]Terry Doolittle arbeit in en Grootruumbüro in en Bank un kümmert sik üm dor an’n Rekner üm dat Transfereeren vun Geldbedrääg. Mitünner, wenn ehr langwielig is, klönt se geern mit de utlännsch Kollegen un kriggt deswegen ok al Arger mit den Baas. Op en Dag kriggt se op ehr’n Bildschirm en Naricht vun en Frömden. Se finndt rut, dat op de annern Siet en britschen Geheemagent is, de in böse Mucken stickt un Help bruukt. De nöömt sik Jack un hett sien Naricht verslötelt mit en Begreep ut dat Leed. Terry kriggt dat Woort rut un kann mit em Kontakt hollen. As Terry na de britsche Bottschopp geiht, üm en Bott vun Jack to överbringen, warrt se torüchwiest un warrt op mol överwacht.
Op Anwiesen vun Jack hollt se ut sien Wahnung en Braadpann un nimmt Kontakt op mit Agenten, vun denen de Naams achtern op de Pann inritzt sünd. Een dorvun dröpt se ok an, man as se sik drapen wüllt, warrt de Agent doodschaten un Terry löpt vun nu an vun een Gefahr in de neegste. Twüschen CIA un KGB findt Terry an’n End en Weg, den Spion free to kriegen.
As se em later drapen will, üm mit em Eten to gahn, kann Jack nich kommen. Terry is dalslaan un ok ’n beten suer op em, man in’n tweeten Anloop klappt dat denn un beide künnt sik in de Arms sluten.
Kritiken
[ännern | Bornkood ännern]Roger Ebert hett in de Chicago Sun-Times vun’n 10. Oktober 1986 schreven, dat an den Film blots Whoopi Goldberg intressant un originell is. He kritiseer dat Dreihbook un de „unsekere“ Regie vun Penny Marshall.[1]
Bornen
[ännern | Bornkood ännern]Weblenken
[ännern | Bornkood ännern]- Jumpin’ Jack Flash in de Internet Movie Database (engelsch)
- Jumpin’ Jack Flash op Rotten Tomatoes