Joseph Andrews (Politiker, 1944)
Joseph Andrews (* 1944; † 29. Dezember 1981 in Kalifornien) weer en Politiker ut Brietsch-Honduras/Belize (NIP, UDP).
Andrews is 1944 boren un weer Maat von de National Independence Party (NIP).
Bi de Parlamentswahl in Brietsch-Honduras 1969 weer he Kannedaat för de NIP in’n Wahlkreis Cayo Noord un hett de Wahl mit 48,9 % von de Stimmen knapp gegen Hector Silva von de PUP verloren.
1973 hett sik de NIP mit twee annere Gruppen to de United Democratic Party (UDP) tohoopslaten. Andrews is Viez-Parteibaas worrn.
Bi de Wahl 1974 weer he in’n sülven Wahlkreis för de UDP Kannedaat un hett sik mit 50,0 % von de Stimmen gegen Assad Shoman von de PUP dörsett. Bi de Wahl 1979 dorgegen hett he blots noch 47,7 % kregen un so gegen Shoman verloren.
Dormit weer he von 1974 bet 1979 Afornten von dat Repräsentantenhuus von Belize. In düsse Tied weer he ok Viez-Oppositschoonsföhrer.[1]
Andrews weer tosätzlich von 1973 bet 1974 un von 1979 bet 1980 Börgermeester von San Ignacio/Santa Elena.
Andrews is an’n 29. Dezember 1981 in en Öller von 37 Johr in Kalifornien doodbleven, nadem he en Bregenblöden leden harr.[1] He is in San Francisco begraven worrn.[1] En Truurfier is in de Sacred Heart Church in San Ignacio afhollen worrn.[1] Sien Broder is de Diplomaat un Regerungsbeamte Patrick Andrews. Sien Söhn Patrick Jason Andrews is later ok in de Politik gahn, aver för de PUP.
Ehren[ännern | Bornkood ännern]
In San Ignacio is de Joseph Andrews Drive na em nöömt.