Jan de Bont

Jan de Bont (* 22. Oktober 1943 in Eindhoven, Nedderlannen) is en nedderlännschen Kameramann, Filmspeelbaas un Filmproduzent.

Leven

Jan De Bont weer in en Grootfamilie mit veerteihn Kinner boren un is in Eindhoven opwossen. As Twölfjohrigen dreih he al Super8-Filmen un möök op Anfraag Opnahmen vun Hochtietsveranstalten.

Later hett de ont an de Filmakademie vun Amsterdam studeert, woneem he Paul Verhoeven drapen hett. De beiden hebbt faken tohopenarbeidt. Tosamen hebbt se t. B. 1970 den Kortfilm De Worstelaar un 1971 den Kinofilm Wat zien ik, wobi Verhoeven de Regie harr un de Bont as Kameramann arbeiden de. Fröh in de 1980er Johren künnen de beiden in de USA Foot faten un hebbt later denn ok dor wedder in de Filmen Flesh & Blood un Basic Instinct tosamen arbeidt. Jan de Bont hett dorna ok in enige annere grote Hollywood-Produkschonen mitmaakt, as t. B. Die Hard, The Hunt for Red October oder Lethal Weapon 3, in den he ok in en korten Cameo-Optritt as nedderlännsch Kameramann hett.

Speelbaas weer de Bont to’n eersten mol in’t Johr 1994. Sien Actionfilm Speed mit Sandra Bullock un Keanu Reeves harr groten Spood. Mit sien neegsten Film Twister hett he weltwiet meist 500 Millionen US-Dollar inspeelt. Man, de tweete Deel Speed 2, för den he ok dat Dreihbook schreven hett, un dorna ok The Haunting un Lara Croft and the Cradle of Life: Tomb Raider 2 weren Flops.

Vun 1973 bit 1988 weer de Bont mit de nedderlännschen Schauspelersche Monique van de Ven verheiraadt. Mit sien ne’e Levenspartnerin Trish Reeves hett he twee Kinner.

Filmografie (Utwahl)

Johr	Titel	Funkschoon
1965	Ik kom wat later naar Madra	Kamera
1970	De Worstelaar, Kortfilm	Kamera
1972	Wat zien ik? dt.: Was sehe ich...! Was sehe ich...!	Kamera
1973	Turks fruit dt.: Türkische Früchte	Kamera
1975	Keetje Tippel dt.: Das Mädchen Keetje Tippel	Kamera
1983	De vierde man dt.: Der vierte Mann	Kamera
1983	Cujo	Kamera
1985	Flesh & Blood dt.: Flesh and Blood	Kamera
1985	The Jewel of the Nile dt.: Auf der Jagd nach dem Juwel vom Nil	Kamera
1986	Ruthless People dt.: Die unglaubliche Entführung der verrückten Mrs. Stone	Kamera
1988	Die Hard dt.: Stirb langsam	Kamera
1989	Black Rain	Kamera
1990	The Hunt for Red October dt.: Jagd auf Roter Oktober	Kamera
1990	Flatliners	Kamera
1992	Basic Instinct	Kamera
1992	Lethal Weapon 3 dt.: Lethal Weapon 3 – Die Profis sind zurück	Kamera
1994	Speed	Speelbaas
1996	Twister	Speelbaas
1997	Speed 2: Cruise Control	Speelbaas, Dreihbook, Produzent
1998	SLC Punk! dt.: Punk	Produzent
1999	The Haunting dt.: Das Geisterschloss	Speelbaas, Produzent
2002	Equilibrium dt.: Equilibrium – Killer of Emotions	Produzent
2002	Minority Report	Produzent
2003	Lara Croft and the Cradle of Life: Tomb Raider 2 dt.: Lara Croft: Tomb Raider – Die Wiege des Lebens	Speelbaas
2003	Thoughtcrimes dt.: Tödliche Gedanken	Produzent

Utteken

Jan de Bont hett opstunns keen Filmpries wunnen, man he weer 1995 as Beste Speelbaas för den Saturn Award nomineert för den Film Speed.

Veer mol weer de Bont för de Golden Himbeer nomineert, de he aver ok nich kregen hett. 1998 weer he för dissen „Pries“ glieks dreemol nomineert as Slechtest Speelbaas, för den Slechtesten Film un för dat Slechteste Dreihbook. 2000 weer he nochmol för The Haunting as Slechtest Speelbaas nomineert.

Weblenken

• Jan de Bont in de Internet Movie Database (engelsch)