Ivan Ramos

Vun Wikipedia

Ivan Michael „Maca“ Ramos is en Politiker ut Belize (PUP).

Ramos sien Grootvader weer de Garifuna-Börgerrechtsaktivist Thomas Vincent Ramos. Ramos hett as Schoolmeester an de Ecumenical High School arbeidt.

Bi de Parlamentswahl in Belize 2012 weer he Kannedaat för de PUP in’n Wahlkreis Dangriga un hett de Wahl mit 53,19 % von de Stimmen gegen Arthur William Roches von de UDP wunnen.

Dormit weer he von’n 7. März 2012 bet 8. Juni 2015 Afornten von dat Repräsentantenhuus von Belize.

In’n Mai 2015 is bekannt worrn, dat Ramos bi de Wahl 2015 nich wedder Kannedaat för de PUP in’n Wahlkreis Dangriga ween schull. De PUP wull lever Anthony Sabal opstellen. En Tied later, an’n 8. Juni 2015, hett Ramos sien Mandaat dalleggt. Dorüm hett dat in’n Wahlkreis Dangriga an’n 8. Juli 2015 en Nawahl geven, in de Frank Mena von de UDP sien Nafolger in’t Repräsentantenhuus worrn is.