I Can Make You Love Me
| Filmdaten | |
|---|---|
| Plattdüütsch Titel: | — |
| Originaltitel: | I Can Make You Love Me |
| Düütsch Titel: | Lauras Schatten |
| Produkschoonsland: | USA |
| Johr vun’t Rutkamen: | 1993 |
| Läng: | 92 Minuten |
| Originalspraak: | Engelsch |
| Öllersfreegaav in Düütschland: | FSK ahn Angaav |
| Filmkru | |
| Speelbaas: | Michael Switzer |
| Dreihbook: | Frank Abatemarco |
| Produkschoon: | Leonard Hill Joel Fields Frank Abatemarco Ronald Gilbert u. a. |
| Musik: | Sylvester Levay |
| Kamera: | Robert Draper |
| Snitt: | Mark W. Rosenbaum |
| Dorstellers | |
| |
I Can Make You Love Me (op Platt so veel as „I kann maken, dat du mi leef hest“; britisch Titel: Stalking Laura (op Platt so veel as „Laura nastelln“); dt. Titel: Lauras Schatten) is de Titel vun en US-amerikaanschen Feernsehfilm vun 1993 mit Richard Thomas un Brooke Shields in de Hööftrullen. Dat Filmdrama baseert op en wohren Fall, de sik in de USA todragen hett.
Inholt
[ännern | Bornkood ännern]Laura Black is en junge Softwaretechnikerin, de jüst ehrn Aflsuss in de Tasch hett un kuum glöven kann, dat ehr en Steed in de beropen Softwarefirma Kensitron in’t Sillicon Valley anboden worrn is. As se mit ehrn Baas en Rundgang dör de Firma maken deit, dröpt se tofallig mit den Kollegen Richard Farley tohopen. Mit en fründlich Lachen stellt se sik vör, wat för ehr sülvst man blots en Saak vun goot Bedrägen is, för Richard aver op’n Slag de Anfang vun en krankhafte Leef.
He is övertüügt, dat Laura un he vörenanner bestimmt sünd un fangt dormit an, ehr den Hoff tomaken: Mol bringt he sülvstbackten Kaken mit, mol laadt he ehr in to en Kunzert un jümmer fakener löpt he ehr na un versöcht all’ne över Laura ruttofinnen. Jümmer mehr nimmt em de Ansicht fangen, dat he un Laura nu en Poor sünd, ofschoonst Laura em mehrmols verklort, dat se mit em keen Betog hett, de över den Beroop rutgeiht, und dat ok nich hebben will. Man, Farley geiht över’t Torüchwiesen vun sien Geföhlen stur weg.
Jümmer fakener luert he Lauta nu op, maakt Biller vun ehr – ok bi ehr Huus – un schrifft sik sogors in ehrn Aerobic-Kurs in, dat he man in ehrt Neeg wesen kann. Man, to glieken Tiet stickt he ehr tohuus de Autoreifen twei, um ehr to wiesen, wo swack se doch is, un dat he op ehr oppassen mutt. Opletzt schalt Laura dat Personalafdeel vun de Firma in, üm wat gegen Farley ünnernehmen to laten. De aver geevt ehr to bedenken, dat se dör ehr smuck Utsehn un ehr Optreden villicht sülvst Schuld an Richards Verhollen wesen künn un em provozeert harr.
As Richard wieter maakt, sütt Laura dat denn för nödig, sik en ne’e Wahnung to söken, dat Richard ehr nich mehr opluern kann. De aver hett sik lang al’n Naslötel vun Lauras Böro maakt un muust in ehr private Ünnerlagen rüm. To Wiehnachten schickt Richard Laura denn en Fotomontaasch, worop se beiden as en Leefpoor to sehn sünd. Wedder wennt sik Laura an’t Personalafdeel in de Firma. Dor warrt fastleggt, dat Farley sik bi’n Psychologen vun de Firma intofinnen hett. As Farley sien Basen andraut, dat he sik un ehr ümbringen warrt, wenn he sien Arbeit verleren schüll, warrt he ut de Firma rutsmeten.
Dat Nastellen vun Richard geiht liekers wieter in Form vun Brefen un foortlopen Verfolgen vun Laura in ehr Privatleven. Man, nu hett dat ok’n Naklapp för ehr Vörankamen in de Firma, so dat se – und natürlich ok, üm opletzt Roh to hebben för Richard – vör Gericht en instwielig Verfögen gegen Richard dörsett. Dorophen deckt Richard sik mit Wapen un Munitschoon in un duukt an’n Dag vör den Gerichtstermin in sien ehmolige Firma op, woneem dat to’n Amokloop kummt. Mehrere fröhere Mitarbeiters, de em över’n Weg loopt, warrt dootschaten. He bahnt sik’n Weg in Lauras Büro un schütt ok op ehr, man överleevt mit swor Sehren un kann sik an’n Enn ünner grode Anstrengen ut egen Kraft ut de Firma redden.
Wohre Achtergund
[ännern | Bornkood ännern]De Inholt vun’n Film baseert op en wohre Geschicht, de in de 1980er Johren in Kalifornien passeert is. Richard Farley (*1948) hett sien dormols 23johrige Kollegin Laura Black in sien Firma Electromagnetic Systems Labs in Sunnywale in’n April 1984 in’n Rahmen vun’t Gewarf drapen un sik in ehr verkeken. As Black sien Versöken ehr to ümwarven aflehnen de, hett he siek in de Ansicht verrennt, dat se tosamenhören deen.
Farleys Nastellen („Stalking“) hebbt över veer Johr anhollen. De Firma, de in’n Harvst 1985 vun Black inschalt worrn is, hett Farley psycholoogsch Behanneln anordent, man ahn Spood. En half Johr later hebbt se Farley vör de Döör sett, vun wegen dat de Mitarbeiters draut harr[1][2]. Liekers güng dat Stalking wieter un weer noch duller. In de veer Johren müss Black veermol ehr Wahnsteed wesselt, man Farley hett ehr Address jümmer wedder rutfunnen. Opletzt hett Black 1988 en gerichtlich Verfögen gegen Farley dörsett. An’n 16. Februar, een Dag vör de Anhören vör Gericht, keem Farley swoor ünner Wapen na sien fröhere Firma un begüng dor en Amokloop, bi denn söven Minschen dood bleven sünd. Veer wietere weern swoor besehrt, dorünner ok Laura Black.[1]
De Amokloop hett tosamen fief Stünnen anduert bit Farley opgeven hett. He is 1991 in söven Moordfäll för schullig befunnen un to’n Dood veroordeelt worrn. Siet de Tiet sitt he in’t San Quentin in de Doodzell. Vör den Achtergrund vun dissen Fall hett Kalifornien dat eerste Anti-Stalking-Gesett vun de Verenigten Staaten op’n Weg bröcht.[3]
Kritik
[ännern | Bornkood ännern]- Der US-Import kochte einen amerikanischen Amokläuferfall (Killer rächt sich für verschmähte Liebe) zum obligaten Psychopathenthriller auf und war weniger ein "großer TV-Roman" als ein gewöhnlicher Angsthammer aus vier Werbeblöcken mit Amoklauf dazwischen.
- Ponkie, AZ, 11.9.93[4]
Borns
[ännern | Bornkood ännern]- ↑ a b http://www.allbusiness.com/human-resources/workforce-management-conflict-resolution/644412-1.html
- ↑ http://www.time.com/time/magazine/article/0,9171,966785,00.html?promoid=googlep
- ↑ Ut’n Afspann vun’n Film
- ↑ http://www.allesueberfilme.de/LaurasSchatten-10323.html, opropen an’n 4. September 2008
Websteden
[ännern | Bornkood ännern]- I Can Make You Love Me in de Internet Movie Database (engelsch)