Homo habilis

Vun Wikipedia
Homo habilis
Noch keen Bild vörhannen, fre’e Biller köönt vun jedereen bi Commons hoochladen warrn
Systematik
Ornen: Primaten
Ünnerornen: Dröögnesenapen
Böverfamilie: Ooltweltapen (Catarrhini)
Familie: Minschenapen (Hominidae)
Tribus: Hominini
Geslecht: Homo
Oort: Homo habilis
Wetenschoplich Naam
Homo habilis
Leakey et al., 1964

Homo habilis is en utstorven Aart vun Minschen ween, de vör 2,2 bit vör 1,5 Million Johren in Oostafrika leevt hett. He warrt as Vörloper vun den Homo erectus ankeken. Homo habilis is lüttjer ween, as de hüdige Minsch. Siene Lengde warrt taxeert up 1,20 m bit 1,55 m. Dat gifft bloß man minne Överresten vun den Homo habilis. En Reeg vun Forschers meent, düsse Resten weern to primitiev, as dat se na dat Geslecht Homo rinpassen döen. Se meent, de Homo habilis höör ehr na de Australopithecina hen. Dat gifft avers Steenwarktüüch (Pebble Tools, as Choppers), dat an den Homo habilis toschreven weern kann. Dor is düsse Aart de eerste Aart mank de Minschen mit, de Warktüüch maakt hett. Vun dorher ok de Naam Homo habilis. De eersten Knaken sünd 1959 in de Olduvaiklööv in Tansania funnen wurrn. Later hett dat ok in Kenia Fundstücken vun düsse Aart geven. Buten Afrika is de Homo habilis bither to noch nich funnen wurrn.

Schädel vun den Homo habilis

De Landstreken, wo de Överresten funnen wurrn sünd, sünd to de domolige Tied Savanne ween.

De Naam (Etymologie)[ännern | Bornkood ännern]

De wetenschoppliche Naam Homo habilis besteiht ut den Naam vun dat Geslecht Homo, wat Latiensch is un „Minsch“ bedüden deit un den Naam vun de Aart habilis, wat „hännig“ bedüden deit, vunwegen dat he wat vun Warktüüch afweten dö un dor ok mit umgahn konn.

Weblenken[ännern | Bornkood ännern]

Homo habilis. Mehr Biller, Videos oder Audiodateien to’t Thema gifft dat bi Wikimedia Commons.