Chopper (Archäologie)

Vun Wikipedia
Circa 1,7 Mio. Johre ole Choppers ut Hadar (Äthiopien)

En Chopper (vun eng. to chop, lüttmaken, snieden, hacken) is en Steenwarktüüch mit en Snittkant, de unregelmatig bearbeit' is. He warrt in de Archäologie to de Pebble Tools rekent. Choppers kaamt blot in Fundstäen vor, de mehr, as 2 Mio. Johre oold sund un höört dor to dat fröhe Paläolithikum mit. Choppers sund dor bi rutkamen, datt vun en Karnsteen an blot eene Siet en poor mol wat afslahn wurrn is. Gegen de Chopping Tools over sund se minner vigeliensch. Veel later sund denn eerst de Fuustbiele tostanne kamen.

Wohrschienlich is dat for de fröhen Minschen (as Homo erectus un Homo habilis) dör düsse Warktüüch, so primitiv se ok ween sund, eerst mööglich wurrn, Fleescheter to weern. Vördem se anfungen, düsse Warktüge to bruken, konnen se man blot Aas eten, vunwegen datt ehr Bitt to swack weer, dat rohe Fleesch ut'neen to rieten.

Kiek ok bi[ännern | Bornkood ännern]