Heinrich Biedenweg

Vun Wikipedia
Zur Navigation springen Zur Suche springen

Heinrich Hieronymus Biedenweg (* 8. August 1811 in Ness; † 12. Februar 1880 in Stood) weer en düütschen Jurist un Politiker.

Biedenweg is 1811 as Söhn von Johann Friedrich Gottlieb Wilhelm Biedenweg (26. Oktober 1786–2. Dezember 1822) in Ness boren. Carl August Bernhard Biedenweg weer sien Unkel un Johann Peter Friedrich Biedenweg sien Broder. De „Marschendichter“ Hermann Allmers weer sien Vetter. He hett von 1832 bet 1834 Juristeree an de Universität Göttingen studeert un weer dor Maat von dat Corps Bremensia.[1] 1839 is he Avkaat un denn Kanzlieprokurater bi de Justizkanzlie Stood worrn. Toletzt weer he Obergerichtsavkaat un Notar an dat Obergericht Stood.

Bi de Wahl 1867 to dat Prüüßsche Aforntenhuus weer he Kannedaat in’n Wahlkreis Hannover 31 (Stoder Geestkreis) un hett den Wahlkreis mit 60,8 % von de Stimmen wunnen. He weer denn von 1867 bet 1870 Afornten för de Natschonalliberale Partei. Bi de Wahl 1870 weer he Kannedaat in’n Wahlkreis Hannover 36 (Rodenborg, Zeven), kunn sik mit 49,6 % von de Stimmen aver nich gegen Rudolf Kropp dörsetten. Bi de Wahl 1873 weer he glieks in twee Wahlkreise Kannedaat. In’n Wahlkreis Hannover 33 (Leh, Dorum, Hagen) hett he 10,2 % von de Stimmen kregen un Anton Johann Julius Ferdinand Lentz is in dat Aforntenhuus intagen. In’n Wahlkreis Hannover 31 hett he 29,5 % von de Stimmen kregen un müss sik Heinrich Holtermann slahn geven.

Biedenweg hett an’n 10. Mai 1845 in Hamborg Wilhelmine Elisabeth Beyme (2. April 1823–10. Dezember 1848) freet.[2]

Footnoten[ännern | Bornkood ännern]

  1. Carl Manfred Frommel: Die Mitglieder der Bremensia zu Göttingen vom 25. Februar 1811 bis zur Gegenwart. Göttingen 1912, S. 81 (Nr. 81)
  2. http://arch.vortmes.nl/documents/copo-026.pdf

Literatur[ännern | Bornkood ännern]

  • Bernhard Mann: Biographisches Handbuch für das Preußische Abgeordnetenhaus 1867–1918. Düsseldorf 1988, S. 155