Carl August Bernhard Biedenweg

Vun Wikipedia
Zur Navigation springen Zur Suche springen

Carl August Bernhard Biedenweg (* 9. Juni 1793 in Elm; † 16. Juni 1853 in Neehuus) weer en düütschen Verwaltungsbeamten.

Biedenweg is 1793 as Söhn von Amalia Dorothea Maria, borene Kort (11. April 1760–29. Januar 1823), un den Pastoor Carl Georg Hieronymus Biedenweg (6. November 1749–26. Mai 1826) in Elm boren. Johann Peter Christoph Friedrich Biedenweg weer sien Broder.

Biedenweg hett Juristeree studeert un is na dat Studium in’n hannöverschen Verwaltungsdeenst gahn. 1819 weer he Auditer bi dat Amt Lüchow un 1826 Amtsassesser bi dat Amt Stood (un dor ok Elv-Tollgerichts-Assesser). In de Tied 1826/1827 weer Biedenweg as Amtsassesser Interimsadminstrater von dat Gericht Leh un is denn Amtsassesser bi dat Amt Esens ween. In de Tied 1832 bet 1846 is he as Amtsassesser bi dat Amt Neehuus an de Oost nawiest. 1848 is he denn al Amtmann von dat Amt Neehuus an de Elv un blifft dat bet to sien Dood 1853.

He hett an’n 12. September 1828 in Heien Sophie Johannette Therese Rudorff (27. September 1810–27. März 1868; Dochter von Christian Friedrich Rudorff) freet.[1] De beiden harrn den Söhn Johann Gottfried Otto (27. November 1832–10. Januar 1904).

Footnoten[ännern | Bornkood ännern]

  1. Hans-Cord Sarnighausen: Hannoversche Amtsjuristen von 1715 bis 1866 in Neuhaus an der Oste. in Jahrbuch 91 (2012) der Männer vom Morgenstern, Bremerhoben 2013, ISBN 978-3-931771-91-1, Sied 179