Hawaiiaante
| Hawaiiaant(e); Koloa Maoli | ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
| Systematik | ||||||||||||||||
| ||||||||||||||||
| Wetenschoplich Naam | ||||||||||||||||
| Anas wyvilliana | ||||||||||||||||
| Sclater, 1878 |
De Hawaiiaante (Anas wyvilliana) is en Aart ut de Familie vun de Aantenvagels. Dor höört se nu wedder to de Aanten an sik mit to. Se is bloß man up de Inselgrupp vun Hawaii tohuse. Dor warrt se Koloa Maoli nömmt. De Aart is bannig in Gefohr, de Bestand warrt taxeert up 2.200 bit 2.500 Aanten alltohopen. Bi geneetsche Unnersöken is rutkamen, datt düsse Aantenaart en Krüüzung twuschen Laysanaante un Graue Aante ween schall. Düsse beiden Aarden hefft sik wohrschienlich vor um un bi 11.000 Johren krüüzt.[1]
Wo se vorkamen deit
[ännern | Bornkood ännern]An un for sik weer de Hawaiiaante up all Eilannen vun de Inselgrupp tohuse, man bloß nich up Lānaʻi un Kahoʻolawe. Hüdigendags gifft dat bloß noch up Kauaʻi Hawaiiaanten, de vun dor, wo se leevt, ok herstammt. Dor hannelt sik dat um 80 % vun den ganzen Betand vun düsse Aanten bi. De Populatschonen up annere Inseln sünd in Minschenhand uptagen un denn utsett wurrn. Meist hannelt sik dat um ganz lüttje Gruppen. Twuschen 1975 un 1982 sünd 200 Deerter up de Hööftinsel Hawai’i ansiedelt wurrn. Lüttjere Gruppen gifft dat ok up Oʻahu, wo twuschen 1958 un 1982 326 Aanten utsett wurrn sünd, un up Maui, wo 1989 twolf Vagels freelaten wurrn weern. De Hawaiiaante leevt in Nattland up de Insel vun NN bit hooch to 3.000 m.
Wie se leven deit
[ännern | Bornkood ännern]De Hawaiiaante socht ehr Freten in flacke Brook- un Sumpwaters, de nich deeper sünd, as man 13 cm. Se leevt ok up Feller, wo Taro anboot warrt. Man hüdigendags warrt düsse „Waterbrootwuddel“ nich mehr veel anboot. De Aanten freet an un for sik allens un neiht Sniggen just so weg, as Larven vun Goldpeer, Wörm, Grassaat, Algen un Blöer vun Waterplanten.
Ehr Nest boot se up’e Eer nich wiet af vun’t Water. De Aante leggt acht bit tein Eier. Bröden doot de Hawaiiaanten dat ganze Johr, man sunnerlich vun Januar- bit Maimaand. Dat duert keen 30 Dage, denn sünd de Lütten utkrapen.
Weblenken
[ännern | Bornkood ännern]
Hawaiiaante (Anas wyvilliana). Mehr Biller, Videos oder Audiodateien to’t Thema gifft dat bi Wikimedia Commons.
- Koloa Maoli or Hawaiian Duck (PDF; 223 kB). In: C. Mitchell, C. Ogura, D. W. Meadows, A. Kane, L. Strommer, S. Fretz, D. Leonard & A. McClung: Hawaii’s Comprehensive Wildlife Conservation Strategy. Department of Land and Natural Resources. Honolulu 2005, Hawaii.
Kiek ok bi
[ännern | Bornkood ännern]- ↑ The Hawaiian Duck appears to be of hybrid origin 2015 HBW Alive