Hasselbraak

Vun Wikipedia
Zur Navigation springen Zur Suche springen
Hasselbraak
Topp
Barggrupp: Horbörger Bargen
Hööchd: 116,2 m över NN
Laag: Neddersassen
Koordinaten:
Koordinaten:53° 26′ N, 9° 52′ O
53° 26′ N, 9° 52′ O
Koort von de Horbörger Bargen

De Hasselbraak bi Neegraven is en 116,2 m över NN hogen Barg in de Swarten Bargen (Deel von de Horbörger Bargen).

Geografie[ännern | Bornkood ännern]

De Barg liggt in’n Staatsforst Rosengoorn op de Landsgrenz von Hamborg na Neddersassen (Landkreis Horborg). In Hamborg is dat de höögste Barg in’t ganze Bundsland.

In’n Süden von’n Hasselbraak liggt dat Naturschuulrebeed Bökenbusch in’n Rosengoorn binnen dat Landschopsschuulrebeed Rosengoorn-Kiekbarg-Stuvenholt, un in’n Noordwesten de Fischbeker Heid.

De Öörd ümto sünd Neegraven in’n Noorden, Huusbrook in’n Noordoosten, Alvsen un Vohrndörp in’n Oosten, Sottörp un Vohrndörp-Siedlung in’n Süüdoosten, Ilsdörp un Swiersdörp in’n Süüdwesten un de Wulmsdörper Siedlung Tempelbarg in’n Noordwesten.

Na Oosten to liggt de Fistelbarg un na Süden de Hülsenbarg.

Naturruum[ännern | Bornkood ännern]

Na de Naturrüüm ut dat Handbuch der naturräumlichen Gliederung Deutschlands höört de Hasselbraak binnen de Hauptrebedengrupp Lümbörger Heid (64) to dat Hauptrebeed Hoge Heid (640) un dor wedder to dat Ünnerrebeed Wilser Ennmoränen (640.0) un den Naturruum Swarte Bargen (640.00).

Topp[ännern | Bornkood ännern]

Op’n Topp liggt en trigonometrischen Punkt, de de höögste Steed kenntekent. 2011 is en Toppkrüüz opstellt worrn. In’t Vörjohr 2013 hebbt se dat Krüüz wedder wegnahmen un dor en Granitsteen un en neet Krüüz henstellt. Dat gifft ok en Kassen mit en Toppbook.

Weblenken[ännern | Bornkood ännern]

Commons-logo.svg Hasselbraak. Mehr Biller, Videos oder Audiodateien to’t Thema gifft dat bi Wikimedia Commons.