Harry Potter and the Chamber of Secrets (Film)

Filmdaten
Plattdüütsch Titel:	—
Originaltitel:	Harry Potter and the Chamber of Secrets
Düütsch Titel:	Harry Potter und die Kammer des Schreckens
Produkschoonsland:	USA; Grootbritannien
Johr vun’t Rutkamen:	2002
Läng:	153 Minuten
Originalspraak:	Engelsch
Öllersfreegaav in Düütschland:	FSK 6
Filmkru
Speelbaas:	Chris Columbus
Dreihbook:	Steve Kloves; Joanne K. Rowling
Produkschoon:	David Heyman
Musik:	John Williams
Kamera:	Roger Pratt
Snitt:	Peter Honess
Dorstellers
	Daniel Radcliffe: Harry Potter; Rupert Grint: Ron Weasley; Emma Watson: Hermine Granger; Robbie Coltrane: Rubeus Hagrid; Christian Coulson: Tom Riddle; Richard Harris: Prof. Albus Dumbledore; Alan Rickman: Prof. Severus Snape; Maggie Smith: Prof. Minerva McGonagall; Jason Isaacs: Lucius Malfoy; Tom Felton: Draco Malfoy; Kenneth Branagh: Prof. Gilderoy Lockhart; Bonnie Wright: Ginny Weasley; Warwick Davis: Prof. Flitwick; David Bradley: Argus Filch; John Cleese: „De meist kopplose Nick“; Shirley Henderson: „De muksche Myrte“;

Harry Potter and the Chamber of Secrets (op Platt so veel as „Harry Potter un de geheeme Kamer“; dt. Titel: Harry Potter und die Kammer des Schreckens) is en Kinner- un Fantasyfilm ut dat Johr 2002 na dat glieknöömte Book vun Joanne K. Rowling. Dat is de tweete Film ut de Harry-Potter-Reeg, de ok wedder mit Chris Columbus as Speelbaas entstahn is. In de Kinos hett de Film mehr as 870 Millionen US-Dollar inspeelt, womit he to de spoodrieksten Filmen vun all Tieten tellt.

Inholt

Harry Potter verleeft sien Ferien wedder bi sien Verwandten, de Dursleys, de vun sien Töveree nix weten wüllt. Kort vör’t End vun de Ferien kriggt he Besöök vun den Huuselfen Dobbey, de em dorvun afhollen will, wedder torüch in de School för Hexeree un Töveree in Hogwarts to gahn. Dor schall em groot Unheel drauhn. Dobbey hinnert Harry und Ron sogor doran, dat se op den magischen Bahnstieg 9 ¾ kamt, woneem se jemehrn Tog na Hogwarts nehmen wüllt. Dorüm mööt se mit dat flegende Auto vun Rons Vadder na School, un warrt dorvör meist rutsmeten.

In Hogwarts fangt Harry an, komische Stimmen to höören, de sonst nümms hören kann. Korte Tiet later warrt se wies, dat de „grulig Kamer“ apen maakt worrn is. Wiel dat jümmer wedder komische Twüschenfäll gifft un na un na Schölers verstenert warrt, kummt Harry bald in den Verdacht, dat he de „Arv vun Slytherin“ is, de de Kamer apen maakt hebben schall.

Harry mutt bewiesen, dat he dormit nix to doon hett un kriggt dorbi natürlich Hülp vun sien Frünnen Hermine un Ron. An’n End mutt Harry alleen in de grulig Kamer indringen, wo he sik al wedder Lord Voldemort gegenöver sütt, de sik dat Utsehn vun en fröheren Schöler anegent hett. Harry behollt jüst even de Nees vörn.

Kritik

Lexikon vun’n internatschonalen Film: Tricktechnisch auf dem Stand der Zeit perfektes, ebenso stimmungsvoll wie aufwändig in Szene gesetztes Fantasy-Abenteuer, das sich erneut vor allem an den äußerlichen Attraktionen der Buchvorlage orientiert. Zahlreichen fabulierfreudigen, witzigen und skurrilen Details stehen dabei manche übertrieben laut-lärmige sowie einige für jüngere Zuschauer recht bedrohliche Szenen gegenüber.

Utteken

De tweete Harry Potter Film weer bi de Filmpriesen nicht ganz so spoodriek as de eerste, hett aver jümmer noch düchtig afrüümt. De Film weer för 35 Priesen nomineert. Dorvun hett he acht wunnen:

2002: Golden Lienwand mit twee Steerns
2003: BMI Film Music Award för John Williams
2003: BAFTA Children’s Award in de Kategorie Kids' Vote (Publikumspries)
2003: BFCA Award för den Besten Familienfilm - Live Action un för John Williams as Besten Komponist
2003: London Critics Circle Film Award för Kenneth Branagh as Best britisch Nevendorsteller
2003: Phoenix Film Critics Society Award för Emma Watson as Beste junge Dorstellerin in en Hööftrull
2003: Reader's Choice Award vun de Mainichi Film Concours in de Kategorie Best utlännsch Film för Chris Columbus
2006: Outstanding Contribution to British Cinema Award bi de Empire Awards för de Harry-Potter-Filmen 1–4

Dit un dat

Bi de Produktschoon is de Film ünner den Tarnnaam „Incident on 57th Street“ lopen, üm to verhinnern, dat neeschierige Fans dorbi stören doot.
Bekannte Dreihöört vun den Film weern de Universität Oxford, de Bahnhof King’s Cross, dat Glenfinnan Viadukt an’n Loch Shiel in Schottland un de Leavesden Film Studios.
In Düütschland is de Film af söss Johr freegeven worrn, in veele annere Länner aver eerst för de Jöögd. De düütsche Kibnofaten is dorüm en beten körter wesen, wiel eenige Szenen rutnahmen worrn sünd. De siete Öllersferegaav is to Anfang fakener kritiseert worrn, wiel de Film för so junge Minschen nicht goot is. Man de FSK gifft Filmen ok all för 6 Johr free, wenn se an sik erst af 9 Johr egent sünd, wiel de nächste Stoop „af 12 Johr“ teemlich hooch is.

Literatur

Joanne K. Rowling: Harry Potter un de grulig Kamer, ISBN 3-89882-018-1

Weblenken

Harry Potter and the Chamber of Secrets (Film) in de Internet Movie Database (engelsch)

Harry-Potter-Filmreeg

2001: Harry Potter and the Sorcerer’s Stone | 2002: Harry Potter and the Chamber of Secrets | 2004: Harry Potter and the Prisoner of Azkaban | 2005: Harry Potter and the Goblet of Fire | 2007: Harry Potter and the Order of the Phoenix | 2009: Harry Potter and the Half-Blood Prince | 2010: Harry Potter and the Deathly Hallows: Part 1 | 2011: Harry Potter and the Deathly Hallows: Part 2 |