Fresenraad

Vun Wikipedia
Flaggen bi d’ Interfreeske Kongress 2006.

De Fresenraad, egentlik Interfreeske Raad, is de Vertreden van all Fresen in d’ Geheel. De Raad sörgt, dat de Belangen van de Fresen höört worden. In de Raad sitten Raadslüü ut verscheden freesk Verenen un Verbannen ut all dree Freeslannen in dree Sektionen:

  • Sektion West:
    • betekend sük sülvst up Westfreesk: Fryske Rie
    • Kuntrei: Provinz Fryslân in de Nedderlannen
    • Seet: Ljouwert (Fryske Akademy)
    • Vörsitter: Roel Kaastra
    • Sekretärske: Saapke Miedema
  • Sektion Noord:
    • betekend sük sülvst up Noordfreesk: Frasche Rädj
    • Kuntrei: Noordfreesland un Helgoland in Sleswig-Holsteen
    • Seet: Niebüll
    • Vörsittersch: Ilse Christiansen
    • Geschäftsföhrer: Frank Nickelsen

De Präsidentskupp van d’ Interfreeske Raad wesselt elke dree Jahr tüsken den dree Sektionen. Upstünns, van 2006 bit 2009, liggt de Vorsitt bi de Sektion Oost, Präsident is Dieter Baumann ut Moormerland. De Bahntje van d' Geschäftsföhrerske van de Interfreeske Raad is siet 2006 bi de Ostfreeske Landskupp in Auerk to finnen.

Alltied, wenn en Raadvörsittertied to End geiht, gifft in en van de dree Freeslannen de so nömt Fresenkongress. En Jahr achteran gifft dat dat Kultuurfestival "Fresen-Droapen" up Helgoland. Ok anner Tosamenkunfsten organiseert de Raad, besünners van verscheden Beropen. Daarto hören Treffen van Buren, Mesters, Landfroolü, Studenten un Lokaalpolitikers.

De Sektion Noord van de Fresenraad is Vertreder van de freeske Volksgrupp in dat Fresengremiun van de Landdag van Sleswig-Holsteen. De Sektion West sitt in de nederlannske Offdeel van de Europääsch Büro för minner bruukt Spraken.

Literatur[ännern | Bornkood ännern]

  • Steensen, Hemminga, van Lengen: Die Frieslande, Verlag Nordfriisk Instituut 2006, ISBN 978-3-88007-333-3 (Dütsk)

Weblinks[ännern | Bornkood ännern]