Frankenmoor

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Harsfeld Gemeen: Bargst
Inwahners:
Postleettall:	21698
Vörwahl:	04164
Geograafsche Laag:	53° 29′ N, 9° 25′ O

Frankenmoor is en Dörp in de Gemeen Bargst (Samtgemeen Harsfeld) in’n Landkreis Stood, Neddersassen.

Geografie

Frankenmoor liggt in’t Frankenmoor, wo dat ok sien Naam von af hett.

De Naveröörd sünd Wehl un Lünenspecken in’n Noorden, Lusthoop in’n Oosten, Bargst in’n Süüdoosten, Brest un Aasp in’n Süüdwesten un Kutenhult in’n Westen.

Historie

Frankenmoor is 1815 as Moorkolonie grünnt worrn. De Steden weren 40 Morgen groot.

Vör 1885 weer dat Dörp in de Böörd Bargst binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

Frankenmoor is 1929 denn mit de Gemeen Bargst tohoopleggt worrn.

Inwahnertall

Johr	Inwahners
1824-00-001824	21 Füürsteden
1848-00-001848	119 Lüüd, 21 Hüüs
1910-12-011. Dezember 1910	92

Religion

Frankenmoor is evangeelsch-luthersch präägt un höört to dat Kaspel Bargst.

För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.

De Oort hett en egen Karkhoff, de 1888 anleggt worrn un in privaten Besitt von de Familie Richters is. Begraven warrt dor blots Lüüd ut Frankenmoor, de ok an de Karkhoffsgemeenschop deelnehmt.

Weertschop un Infrastruktur

Verkehr

Frankenmoor liggt as Stratendörp an de Straat Königsdamm, de in’n Süüdwesten bi Groten Aasp an de Landsstraat 123 ranlöppt. In’n Noordoosten löppt de Königsdamm as Sackstraat in’t Moor ut. Von Noordwesten von Wehl un Freenbeek na Süüdoosten na Bargst un Harsfeld löppt de Kreisstraat 50 dör den Oort.