Ernest Borgnine

Ernest Borgnine, 2009

Ernest Borgnine (börgerlich: Ermes Effron Borgnino; * 24. Januar 1917 in Hamden, Connecticut; † 8. Juli 2012 in Los Angeles, Kalifornien) weer en US-amerikaanschen Schauspeler. In de 1950er Johren tell he to de bekannsten Charakterdorstellers in Hollywood un weer faken in profileerte Nevenrullen to sehn. He hett in mehr as 200 Feernseh- un Filmprodukschonen mitspeelt un weer bit to sien Dood as Schauspeler aktiv.

Leven un Wark

Borgnine weer de Söhn vun italieensche Inwannerers. Sien Vadder, Camillo Borgnino keem ut Ottiglio, sien Mudder, Anna Boselli, stamm ut en Adelsfamilie in’t noorditalieensche Carpi bi Modena. In’t Johr 1925 is Borgnine in de United States Navy inpeddt un hett later in’n Tweeten Weltkrieg as Kanonier op den Zerstörer USS Lamberton (DD-119) deent. Na’n Krieg hett he de Navy verlaten un is Fabrikarbeiter worrn. Op Anraten vun sien Mudder hett he af 1947 de Schauspeelschool Randall’s School of Drama in Hartford. He hett denn an’t Barter Theatre in Abingdon, Virginia speelt un harr 1949 sien Premier an’n Broadway. 1951 is he na Los Angeles togen, woneem he sien eerste Filmrull kregen hett.

In’t Johr 1953 harr Borgnine sien Dörbrook as Charakterdorsteller in de Rull vun den sadistischen Sergeant un den Filmklassiker From Here to Eternity (dt.: Verdammt in alle Ewigkeit). Groten Spood harr he ok as eensomen Slachter in Marty, för den he mehrfack mit Filmpri4esen uttekent worrn is. In’n Verlopp vun de Johrteihnten hett Borgnine en groot Spektrum vun Rullen afdeckt, wat em bi de Tokiekers grote Sympathien inbröcht hett.

Sien Hoochtiet harr he in de 1960er un 1970er Johren. He hett in disse Periood tallrieke Nevenrullen in naamhafte Filmen anboden kregen. Bito weer he ok in vele Feernsehregen to sehn. Populär weer he ok in sien Rull as Dominic Santini in de US-amerikaanschen Airwolf in de 1980er Johren. Vun de Tiet an hett he ok in eenige düütsche Produkschonen mitarbeit un stünn gemeensom mit Hans Clarin, Uschi Glas un Martin Semmelrogge vör de Kamera.

Borgnine weer fiefmol verheiraat, dorünner 1964 mit de Schauspelersche un Singersche Ethel Merman. De Eh hett aver blots 32 Daag hollen. Vun 1972 an weer he mit sien föfften Fro Tova Traesnaes verheiraat, de mit „Tova“ en egene Beauty-Reeg verköfft. Ut fröhere Ehn hett Borgine dree Kinner. As he in’n August 2008 bi en Interview för Fox News na dat Geheemnis vun sien lang Leven fraagt weer, hett he den Moderator Steve Doocy in’t Ohr suustert, dat he veel masturbeeren de.

Borgnine weer en aktiv Liddmaat in’n Bund vun de Freemüerer. He is in’t Öller vun 95 Johren an’n 8. Juli 2012 in Los Angeles an Nerenverseggen doodbleven. Sien Liek is inäschert worrn un de Urn is in de Hannen vun sien Familie.

Filmografie (Utwahl)

Ernest Borgnine as Clown (1973)

Borgnine mit sien ne’e Navy-Müts (2004)

Borgnine klappt mit de Hannen för en Bidrag vun en Musikgrupp vun de Navy (2006)

Johr	Titel	Synchroonsnacker
1951	China Corsair
1951	The Mob dt.: Die Spur führt zum Hafen	Peter Elsholtz
1953	The Stranger Wore a Gun dt.: Der schweigsame Fremde	Wolfgang Eichberger
1953	From Here to Eternity dt.: Verdammt in alle Ewigkeit	Wolfgang Eichberger
1954	Johnny Guitar dt.: Johnny Guitar – Wenn Frauen hassen	Fritz Tillmann
1954	Vera Cruz	Bum Krüger
1955	Marty	Walter Richter
1955	Run for Cover dt.: Im Schatten des Galgens	Heinz Giese
1956	Jubal dt.: Der Mann ohne Furcht	Alexander Welbat
1956	The Catered Affair dt.: Mädchen ohne Mitgift	Werner Peters
1956	Three Brave Men dt.: Die unsichtbare Front
1958	The Vikings dt.: Die Wikinger	Wolf Martini
1958	Torpedo Run dt.: Torpedo los!	Werner Peters
1959	The Rabbit Trap dt.: Die Kaninchenfalle	Horst Niendorf
1960	Summer of the Seventeenth Doll dt.: Der Sommer der siebzehnten Puppe
1960	Man on a String dt.: Geheimakte M	Arnold Marquis
1965	The Flight of the Phoenix dt.: Der Flug des Phönix	Alexander Welbat
1962-66	McHales Navy, Feernsehreeg
1967	The Dirty Dozen dt.: Das dreckige Dutzend	Konrad Wagner
1968	Ice Station Zebra dt.: Eisstation Zebra	Martin Hirthe
1969	Los desesperados dt.: Um sie war der Hauch des Todes	Fritz Tillmann
1971	Hannie Caulder dt.: In einem Sattel mit dem Tod	Martin Hirthe
1972	The Poseidon Adventure dt.: Poseidon Inferno	Hans-Dieter Zeidler
1973	Emperor of the North Pole dt.: Ein Zug für zwei Halunken	Hans-Dieter Zeidler
1973	The Neptune Factor dt.: Die Odyssee der Neptun	Heinz-Theo Branding
1975	The Devil’s Rain dt.: Nachts, wenn die Leichen schreien	Walter Reichelt Christian Marschall (as Geist)
1977	The Greatest dt.: Ich bin der Grösste	Wolf Ackva
1978	Convoy	Wolf Ackva
1979	The Black Hole dt.: Das schwarze Loch	Joachim Cadenbach
1981	Escape from New York dt.: Die Klapperschlange	Gerd Duwner
1983	Young Warriors	Günter Sauer
1984	Geheimcode: Wildgänse	Arnold Marquis
1984	Cane arrabbiato dt.: Sag’ nie wieder Indio	Arnold Marquis
1984-86	Airwolf, Feernsehreeg	Wolfgang Völz
1988	Skeleton Coast dt.: 24 Stunden bis zur Hölle	Horst Frank
1989	Gummibärchen küßt man nicht	Günter Sauer
1990	Any Man’s Death dt.: Im Zeichen des Krebs
1996	All Dogs Go to Heaven 2, Stimm dt.: Charlie – Ein himmlischer Held	Helmut Krauss
1995-97	The Single Guy, Feernsehreeg dt.: Ein Single kommt immer allein
1998	BASEketball dt.: Die Sportskanonen	Wolfgang Völz
1999	The Last Great Ride dt.: Die letzte große Fahrt	Klaus Sonnenschein
1999	Abilene
1999	The Lost Treasure of Sawtooth Island dt.: Das Geheimnis der Sägezahninsel	Norbert Gastell
2004	Blueberry dt.: Blueberry und der Fluch der Dämonen	Wolfgang Völz
2008	Chinaman’s Chance
2008	Frozen Stupid
2010	Red dt.: R.E.D. - Älter. Härter. Besser.	Wolfgang Völz
2011	The Lion of Judah

Utteken

Borgnine kriggt sien Oscar vun Grace Kelly (1956)

Ernest Borgnine weer sössuntwintig mol för naamhafte Filmpriesen nomineert. Uttekent worrn is he mit achtteihn dorvun, dorünner:

• 1956: mit den Oscar in de Kategorie Best Hööftdorsteller för Marty
• 1956: mit den BAFTA Film Award in de Kategorie Best utlännsch Dorsteller för Marty
• 1956: mit den Golden Globe in de Kategorie Best Hööftdorsteller – Drama för Marty
• 1959: mit den Pries vun’t Locarno International Film Festival in de Kategorie Best Schauspeler för The Rabbit Trap
• 1960: mit sien Steern op’n Walk of Fame in de Kategorie Speelfilm
• 1985: mit den Golden Boot Award
• 2009: mit den Pries för’t Levenswark vun’t Rhode Island International Film Festival
• 2011: mit den Pries för’t Levenswark vun de Screen Actors Guild Awards i

Weblenken

Ernest Borgnine. Mehr Biller, Videos oder Audiodateien to’t Thema gifft dat bi Wikimedia Commons.

• Ernest Borgnine in de Internet Movie Database (engelsch)
• Ernest Borgnine in de Notable Names Database
• Literatur vun un över Ernest Borgnine in’n Kataloog vun de Düütschen Natschonalbökeree