Konrad Wagner (Schauspeler)
Konrad Wagner (* 21. Oktober 1902 in Köln; † 7. September 1974) weer en düütschen Schauspeler, Speelbaas un Synchroonsnacker. He weer de Broder vun de dree Johr öllere Schauspeler Paul Wilhelm Hubert Wagner.
Leven un Wark
[ännern | Bornkood ännern]Konrad Wagner, de as ok sien Bröer in Köln boren is, hett sien Utbilden bi Saladin Schmitt in Bochum kreegen. He speel van 1935 bit 1941 an dat Schauspeelhuus Hamborg un siet 1941 in Berlin, meest an’t Hebbel-, Schiller- (u. a. 1953 in Rudolf Noeltes Inszenierung vun Camus’ L'état de siège (dt.: Der Belagerungszustand) un Renaissance-Theater. He is ok in Filmen uptreden (Der 20. Juli, Ein Mädchen aus Flandern, Der eiserne Gustav).
An’ produktivsten weer he as Feernsehspeelbaas (Das heilige Experiment, 1956; Die respektvolle Dirne, 1957; Aus Gründen der Sicherheit, 1961) un as Synchroonsnacker, wo he för de düütsche Faten vun över 100 Filmen mitmaakt hett (u. a. Carmen Jones, Das verflixte 7. Jahr, Borsalino).
Sien Stimm mit en bannig charakteristisch Schattierung – meest mehr goodmödig as hard, eher swanken as entslaten un eher verletzlich as afbreut – bedeen u. a. Fredric March as fundamentalistisch Prediger in Wer den Wind sät un in An einem Tag wie jeder andere (1955), Keenan Wynn (Dr. Seltsam, Point Blank), Bernard Lee (as M in de James-Bond-Films Goldfinger, Thunderball, Im Geheimdienst ihrer Majestät, Diamantenfieber), Edward G. Robinson in Soylent Green - Jahr 2022... die überleben wollen, 1973; Walter Huston in Der Schatz der Sierra Madre, Ernest Borgnine in Das dreckige Dutzend, Ray Milland in Love Story un Sidney Blackmer in Rosemaries Baby.
Filmrullen (Utwahl)
[ännern | Bornkood ännern]| Johr | Titel |
|---|---|
| 1957 | Wie ein Sturmwind |
| 1958 | Schwarze Nylons – Heiße Nächte |
| 1962 | Anfrage, Feernsehn |
| 1965 | Party im Zwielicht, Feernsehn |
| 1967 | Der Reichstagsbrandprozess, Feernsehn |
| 1969 | Fememord, Feernsehn |
| 1969 | Goldene Städte, Feernsehn |
Weblenken
[ännern | Bornkood ännern]- Konrad Wagner in de Internet Movie Database (engelsch)
- Vullstännige Filmografie bi filmportal.de
- Utführlich Verteken vun sien Synchroonrullen in de Düütsch Synchroonkartei