Emil Ferdinand Victor von Hammerstein-Gesmold

Vun Wikipedia
Zur Navigation springen Zur Suche springen

Emil Ferdinand Victor von Hammerstein-Gesmold (* 30. Januar 1827 in Gessem; † 11. August 1894 in Hilmssen) weer en düütschen Goodsbesitter un Offzeer.

Von Hammerstein-Gesmold is 1827 in Gessem as Söhn von Friederike, borene Freiin von Frydag (11. Dezember 1790–27. November 1860), un Ludwig Friedrich Ernst von Hammerstein-Gesmold (14. Juni 1787–11. Februar 1837) boren.[1] Sien Broder weer Ludwig von Hammerstein.

He weer in de Johren 1850 Premierleutnant in dat hannöversche Gardehusaren-Regiment un weer kummandeert na’n Generalstaff.[2] Later, nadem Prüßen dat Köngriek Hannover annekteert harr, weer he Generalmajor in de prüüßsche Armee.

Bi de Wahl 1893 to dat prüüßsche Aforntenhuus weer he Kannedaat för de Düütschkunservative Partei in’n Wahlkreis Stood 6 (Rodenborg, Veern, Zeven), kunn sik in’n drüdden Wahlgang mit 39,1 % von de Stimmen aver nich gegen Carl Hesse dörsetten.

Blangen siene Arbeid as Offzeer hett sik von Hammerstein mit de Historie von siene Familie uteneensett. Mit sien Vedder Wilhelm Karl Konrad von Hammerstein hett he 1856 en Geschichte der Freiherrlich von Hammerstein’schen Familie rutbrocht. He gell in siene Tied as Kenner von de Genealogie, Heraldik un Segelkunn.

Toletzt hett he in Hilmssen leevt un is dor 1894 doodbleven.

He hett an’n 12. Mai 1863 in Veern Ingeborg Marschalck von Bachtenbrock (13. August 1845–11. August 1910) freet, en Dochter von Carl Detlev Marschalck von Bachtenbrock. De beiden harrn de Söhns Carl (30. September 1866–13. Mai 1932) un Frithjof Ludwig Wilhelm (20. August 1870–21. Januar 1944). Nadem sien Swiegervader 1864 ahn Söhns doodbleven is, is dat Good Bokel in’n Besitt von von Hammerstein un siene Fro övergahn.

Warken[ännern | Bornkood ännern]

  • Geschichte der Freiherrlich von Hammerstein’schen Familie. Als Manuscript für die Mitglieder der Familie gedruckt. (tohoop mit Wilhelm Karl Konrad von Hammerstein) F. Culemann, Hannover 1856
  • Urkunden und Regesten zur Geschichte der Burggrafen und Freiherren von Hammerstein. Hahn, Hannover 1891

Footnoten[ännern | Bornkood ännern]

  1. http://www.online-ofb.de/famreport.php?ofb=NLF&lang=de&modus=&ID=I366678
  2. Christian Gottlieb von Stramberg, Anton Joseph Weidenbach: Denkwürdiger und nützlicher Rheinischer Antiquarius, welcher die wichtigsten und angenehmsten geographischen, historischen und politischen Merkwürdigkeiten des ganzen Rheinstroms, von seinem Ausflusse in das Meer bis zu seinem Ursprunge darstellt. Mittelrhein. 3. Afdelung, 6. Band, R. F. Hergt, Koblenz 1859, Sied 556