Carl Hesse (Politiker)
Carl Georg Hesse (* 9. Januar 1831 in Veern; † 17. Mai 1907 ok dor) weer en düütschen Politiker.
Hesse is 1831 in Veern boren. De Familie harr en groten Hoff in Veern. Düsse Hoff is an’n 23. April 1888 von’n König von Prüßen to en Riddergood maakt worrn.[1] De Familie harr ok en Brenneree.
He weer von 1893 bet 1904 Senater in Veern un von 1894 bet 1907 Afornten för den Wahlkreis Stood 6 (Veern-Rodenborg-Zeven) in dat Prüüßsche Aforntenhuus. He weer dor in de Natschonalliberale Partei. Nadem Hesse 1907 doodbleven is, hett dat an’n 3. September 1907 en Nawahl in’n Wahlkreis Stood 6 geven, de Theodor Held wunnen hett.
In Veern is vondaag de Carl-Hesse-Straat na em nöömt.
