Eenloh

Vun Wikipedia
(wiederwiest vun Einloh)
Zur Navigation springen Zur Suche springen
Wapen/Flagg Koort
hett keen Wapen
Eenloh
Laag vun Eenloh in Düütschland
Basisdaten
Bundsland: Neddersassen
Landkreis: Rodenborg
Gemeen: Scheeßl
Inwahners:
Postleettall: 27383
Vörwahl: 04265
Geograafsche Laag:
Koordinaten:53° 10′ N, 9° 37′ O
53° 10′ N, 9° 37′ O

Eenloh (hoochdüütsch Einloh) is en lütten Oort in de Gemeen Scheeßl in’n Landkreis Rodenborg, Neddersassen. De Oort höört polietsch al von öllers bi Oostervees mit bi.

Geografie[ännern | Bornkood ännern]

De Oort liggt in en Rebeed mit veel Moor. Dat Water ut dat Rebeed flütt över den Benkeloher Graven na de Fintau hen af.

De Naveröörd sünd Vahl un Fintel in’n Noordoosten, Grotenwe-Siedlung un Riepermoor in’n Süüdoosten, Deepen in’n Süüdwesten, Oostervees in’n Westen un Benkeloh in’n Noordwesten.

Historie[ännern | Bornkood ännern]

Eenloh weer fröher blots en enkelten Hoff, de ok Ventzloh heten hett. 1843 hett Gustav von Stietencron den Hoff köfft. Nadem von Stietencron 1851 in de USA gahn is, is de Hoff opdeelt un verköfft worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Lauenbrüch in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Scheeßl in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

In dat 19. Johrhunnert hett de Oort to de Buurschop Oostervees un later to de Gemeen Oostervees höört. De Gemeen Oostervees is an’n 1. März 1974 mit de Gemeenreform in Neddersassen Deel von de Gemeen Scheeßl worrn.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1848-00-001848[2] 18 Lüüd. 2 Hüüs
1871-12-011. Dezember 1871[3] 9 Lüüd. 3 Hüüs
1885-12-011. Dezember 1885[4] 38 Lüüd. 8 Hüüs
1905-12-011. Dezember 1905[5] 51 Lüüd. 7 Hüüs

Religion[ännern | Bornkood ännern]

Eenloh is evangeelsch-luthersch präägt un höört to dat Kaspel von de Lucas-Kark in Scheeßl.

För de Kathoolschen is de Corpus-Christi-Kark in Rodenborg tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dicht bi Eenloh löppt de Kreisstraat 211 langs, de in’n Noordoosten na Fintel an de K 212 un K 221 ran geiht un in’n Westen na Oostervees un in Westervees an de Landsstraat 131 ran. De L 131 föhrt in’n Noordwesten na Scheeßl an de Bundstraat 75 un in’n Süüdoosten na Hemslingen an de L 170/B 71. De K 212 löppt von Fintel in’n Süüdoosten na Snevern.

De nächste Autobahn is de Autobahn 1 (Afsnidd HamborgBremen). De Opfohrt 47 Zittens liggt so 21 Kilometer in’n Oosten von Eenloh an de L 130.

De nächste Bahnhoff is so bi söven Kilometer wied weg in’n Noordwesten de Bahnhoff Lambrüch an de Bahnlien Hamborg–Bremen.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 234
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 179
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 151