Edda Goede

Edda Goede (* 10. Dezember 1940 in Ossenbrügge) is en düütsche Politikerin von de SPD.

Goede is 1940 in Ossenbrügge boren. Se weer in Stralsund op de Grundschool un hett 1958 in Sulingen de Realschool afslaten. Se hett denn en Lehr as koopmännsch-praktische Arzthülp in Bad Harzborg maakt. Von 1975 bet 1978 weer se op de Fachschool för Sozialpädagogik in Stood. 1979 is se as staatlich prüüfte Optreckerin anerkannt worrn. Von 1970 bet to de Wahl in’n Landdag 1986 hett se as Baas von’n Kinnerspeelkreis in Albst arbeidt. Siet 1968 weer se ok Baas von de Bildungsvereenigung “Arbeid un Leven“ in de Samtgemeen Hagen.

1969 is se in de SPD rin. Von 1972 bet 1977 weer se Afornte in’n Kreisdag von’n Landkreis Wersermünn un denn in’n Kreisdag von’n Landkreis Cuxhoben. Dor weer se Viez-Frakschoonsvörsitterin von de SPD un Vörsitterin von Utschuss för Jugendhülp. Goede weer von 1986 bet 2003 (ölvente bet veerteihnste Wahlperiood) för den Wahlkreis Wersermünn Liddmaat von’n Landdag von Neddersassen. In de twölvte Wahlperiood weer se von’n 21. Juni 1990 bet 20. Juni 1994 Viezpräsidentin von’n Landdag.