Ed Shaughnessy
Edwin Thomas „Ed“ Shaughnessy (* 29. Januar 1929 in Jersey City; † 24. Mai 2013 in New Jersey[1]) weer en US-amerikaansch Jazz-Slagtüüchspeler.
Shaughnessyhett af 1943 sück dat Slagtüüchspelen toeerst sülvst bibrocht, kreeg denn aber Anleiden vun sien Früend Sid Catlett. Sien professionell Loopbahn fung 1946 mit Jack Teagarden 1948 mit George Shearing, mit Georgie Auld un Charlie Ventura (1948 bit 1950) an. In de 1950er Johren weer he Liddmaat vun de Bands vun Benny Goodman (Europa-Tournee 1950, wiels de he bi de Roy Eldridge and His Little Jazz Vol. 1-Session mitwarken dee) un Tommy Dorsey (1950), Lucky Millinder (1951) un hett ok mit Johnny Richards arbeiten. Dornah fung he an as Studiomusiker in New York to arbeiten. Enn' vun de 1950er Johren harr he mit Teddy Charles de Grupp Jazz Four. To glieker Tiet studeer he Enn' vun de 1050er Johren Klaveer, Kornett un Kompositschoon.
Anfang vun de 1960er Johren weer he Partner vun Count Basie (in fiev Alben-Upnahmen) un wurr Liddmaat vun dat Orchester vun de Tonight Show ünner Doc Severinsen, dat he dartig Johr dartig Johr lang bit 1992 anhörrn dee (af 1972 in Los Angeles). Dorneben weer Shaughnessy en söcht Big-Band-Musiker. 1962 weer he Liddmaat vun dat Orchestra USA. He hett ünner annern mit Gene Ammons, Roy Eldridge, Billie Holiday, Mundell Lowe, Teo Macero, Charles Mingus, Shirley Scott, Jack Sheldon, Manny Albam un Horace Silver tosommenarbeit un is up över fievhunnert Alben to hören.
Af 1974 hett he ok en eegen Band leit, de Energy Force. In de 1980er un 90er Johren hett he buterdem an de New York University ünnerricht, geev Kurse an dat Skidmore College, geev aber ok tovör Ünnerricht in tallriek Clinics. 1990 kemm sien Album Jazz in the Pocket (mit sien Quintett Jazz in the Pocket, Tom Peterson, Bruce Paulson, Tom Ranier, John Leitham) herut.
Shaughnessy weer ok Komponist (Nigerian Walk, Blues Detambour).
Literatur
[ännern | Bornkood ännern]- Kunzler Jazz-Lexikon, 2002
- Clem DeRosa, Ed Shaughnessy: Show Drumming: The Essential Guide to Playing Drumset for Live Shows and Musicals. Hal Leonard Corp, 2004