Mundell Lowe

Mundell Lowe in Saarbrücken 2000

Mundell James Lowe (* 21. April 1922 in Laurel, Mississippi; † 2. Dezember 2017 in San Diego, weer en US-amerikaansch Jazzgitarrist un Arrangeur vun den Swing un Hardbop.

Leven un Wark

Mundell Lowe speel Midden vun de 1930er Johren mit Abbie Brunies ünner annern in New Orleans, dornah mit Pee Wee King 1939 in Nashville. 1943–45 wurr Lowe to’n Militärdeenst intrucken. Dornah speel he mit Ray McKinley 1946-47, Dave Martin 1947-49, Ellis Larkins un Red Norvo 1949. Tüschen 1950 un 1958 hett he as Studiomusiker bi de Sender NBC, aber ok mit dat Orchester vun Eddie Sauter (Sauter-Finegan-Orchestra), mit Billy Taylor un Ruby Braff arbeit un harr tietwies en eegen Quartett. Af 1959 schreev he ok Filmmusiken (to hören up de LP TV Action Jazz) un weer in gröteren Umfang as Arrangeur tätig.

1961 wark he an dat Album Carmen McRae Sings Lover Man and Other Billie Holiday Classics mit. In de 1960er-Johren speel he mit Benny Carter de sien Album Further Definitions in. Wiederhenn arbeit he mit Jimmy Forrest un dat Orchester vun Quincy Jones. 1972 schreev Lowe de Titelmusik to de Filmklassiker Everything You Always Wanted to Know About Sex * But Were Afraid to Ask vun Woody Allen. Nahdem dat in de 1970er-Johren ruhig um hüm wurr, harr Lowe in de 1980er- un 90er-Johren weer fakener Uptreden (ünner annern mit sien Fru Betty Bennett un sien Band Transitwest). He weer in disse Tiet as Solist up Tournee, nah 1990 hett he den Pianisten André Previn up mehreren Platteneinspeelungen begleit. 2000 entstunn up en Düütschlandtournee de CD Mundell’s Moods mit den Harmonikaspeler un Vibraphonisten Hendrik Meurkens.

In de Loop vun sien Karriere hett Lowe Plattenupnahmen mit de Musikers Steve Allen, Les Brown, Benny Goodman, Urbie Green, Johnny Guarnieri, Johnny Hodges, Bobby Jaspar, Richie Kamuca, Ray McKinley, Tony Scott, Billy Taylor, Mary Lou Williams makt un de Singerinnen Chris Connor, Billie Holiday, Lena Horne, Helen Humes, Carmen McRae, Sarah Vaughan un Dinah Washington begleit.

Ofschons dat Schallplattenwark vun Mundell Lowe relativ schmal un unbekannt is, nennt hüm Morton un Cook „einer der originellsten Gitarristen und Komponisten überhaupt“. Lowe kummt de Verdeenst to, 1956 den Produzenten Orrin Keepnews up den jungen Pianisten Bill Evans upmarksom makt to hemm.

Ehrungen

Mundell Love wurr 2004 in de Big Band and Jazz Hall of Fame upnommen.

Diskographie

As Leader

• 1955: The Mundell Lowe Quartet (Riverside/OJC)
• 1957: A Grand Night For Swinging (Riverside/OJC)
• 1957: Blues For Tomorrow (Sampler mit Lowe, Eat Coast All Stars, Sonny Rollins, Bobby Jaspar, OJC)
• 1959: Mundell Lowe & His All Stars: TV Action Jazz (Fresh Sound Rec.) mit Donald Byrd, Jimmy Cleveland, Herbie Mann, Tony Scott, Eddie Costa
• 1977: Souvenirs (Jazz Alliance, 1977–92)
• 1989: Sweet ‘n’ Lovely (Fresh Sound Records) mit Tete Montoliu
• 2000: Mundell’s Moods (Nagel-Heyer)

As Sideman (Utwahl)

• Benny Carter: Further Definitions (Impulse!, 1961–66)
• Benny Carter: Live And Well in Japan (OJC, 1977)
• Charlie Parker: The Legendary Rockland Palace Concert, Volume 1 (Jazz Classics, 1952)
• André Previn: Uptown (1990), Old Friends (1991), Jazz At Musikverein (1995), Show Boat (1996) (Telarc)
• Sarah Vaughan: After Hours (Roulette, 1961) mit George Duvivier
• Ben Webster: The Soul Of Ben Webster (Verve, 1957–58)

Literatur

• Bielefelder Katalog Jazz, 2001
• Martin Kunzler: Jazz-Lexikon, Rowohlt, Reinbek 1993
• Richard Cook & Brian Morton: The Penguin Guide to Jazz on CD, 6th Edition. Penguin, London 2002. ISBN 0-14-017949-6.
• Mundell Lowe in de Internet Movie Database (IMDb)

Weblenken

• Offizielle Website vun Mundell Lowe
• Biografie up den All Music Guide
• Biografie up All About Jazz