Dullerner Möhl
De Dullerner Möhl weer en Watermöhl in Dullern in de hüdige Gemeen Dullern (Samtgemeen Hornborg) in’n Landkreis Stood, Neddersassen.
Historie
[ännern | Bornkood ännern]
De Möhl leeg an Dullerner Beek, de sien Born in’n Rüster Forst hett un in de Moorwettern münnt. De Beek weer to veer Möhlendieken opstaut, von de vondaag noch twee nableven sünd, de Buschdiek un de ünnere Möhlendiek.
In de Midd von dat 19. Johrhunnert hett de Möhl de Familie Gercken tohöört.
In de Johren 1960 hett de Möhl Rudolf Ehlers tohöört un weer verpacht an Hans Nodorf. To de Tied is de Möhl al nich mehr mit Water lopen man mit Motorkraft. Later is de Möhl afreten worrn.
De Watermöhl finnt sik vondaag ok in dat Wapen von de Gemeen Dullern wedder, de en sülvern Möhlenrad op blauen Grund wiest.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Möhl to de Mairie Stood in’n Kanton Stood höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Möhl hett vör 1859 to dat Amt Stood tohöört un denn von 1859 bet 1885 to dat Amt Himmelpoorten. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.
In de Midd von dat 19. Johrhunnert hett de Möhl to de Gemeen Gothenborg tellt, is later denn aver in de Gemeen Dullern wesselt.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 2 Füürsteden |
| 1824[2] | 2 Füürsteden |
| 1848[3] | 11 Lüüd, 1 Huus |
| 1. Dezember 1871[4] | 22 Lüüd, 2 Hüüs |
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 57
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 140
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140
Koordinaten:53° 33′ N, 9° 33′ O