Drebber

Wapen/Flagg

Koort

Basisdaten

Samtgemeen: Samtgemeende Baanstrup

Landkreis: Deefholt

Bundsland: Neddersassen

Flach:

46,96 km²

Inwahners:

2.944 (2006-12-3131. Dezember 2006)

Inwahnerdicht:

62,7 Inwahners pro km²

Postleettall:

49457

Vörwahl:

05445

Geograafsche Laag:

Koordinaten:52° 39′ N, 8° 26′ O52° 39′ N, 8° 26′ O

Grenzen bi OSM:

1460920

Gemeenslötel:

03 2 51 013

Öörd in de Gemeen:

3

Börgermeester:

Helmut Engels

Websteed:

www.drebber.de

Drebber is ene Gemeende in dat Bundsland Neddersassen in Düütschland. Se liggt in den Landkreis Deefholt un hett 2.944 Inwahners (Stand 31. Dezember 2006) op en Rebeet vun 46,96 km².

Oortsdelen

To de Gemeende Drebber höört de Öörd Knaw (Flecken), Jacobidrebber un Mariendrebber. Drebber höört to de Samtgemeen Baarnstrup. De ehr Verwalten sitt in den Flecken Baarnstrup.

Laag

Drebber liggt twuschen de Wilshuser Geest in'n Noorden un den Dümmer un dat Rehrner Moor in'n Süden, un twuschen Baarnstrup in'n Noordosten un Deefholt in'n Süüdwesten. In'n Norden vun Drebber liggt dat Grote Moor, in'n Süüdosten de Kellenbarg. Dör de Gemeende flutt de Hunte hendör. Bi Knaw münnt dor de Dadau in.

Historie

De Naam is to'n eersten Mol in en Urkunn ut dat Johr 980 nömmt. Dormols heet he triburi. De Hööv vun den Oort hören toeerst na dat Klooster Memleven to. In den Flecken Knaw stunn toeerst de Borg vun de Greven vun Deefholt. Düsse Borg is al in dat 12. Johrhunnert verswunnen. De Liddmaten vun de Grevenfamilie sünd avers unner de Eer bröcht in de Krypta vun de Kark in Mariendrebber.

Politik

Gemeenderaat

CDU: 4 Sitten
SPD: 8 Sitten
Free Wählers: 1 Sitt

Wapen

Dat Wapen wiest up de lunke Hälft en roden Löwen mit en sülvern Kroon up gollen Grund. In de annere Hälft finnt sik dree Ekenblöer ut Sülver up roden Grund.

Wat los is un wat een sik ankieken kann

Bowarken

De evangeelsche Kark St. Jacobus (fröher St. Christophorus) in Jacobidrebber is en Saalkark ut de late Gotik. Na Oosten to slutt de Bo af mit en Chor mit veel Ecken, na Westen hen is en Toorn ut dat 13. Johrhunnert vörstellt. De Westwand is 1748 ut Backsteen nee upmuert wurrn. Up den Toorn sitt en hogen, achtkanten Helm. Dat Langhuus hett dree Jück mit spitze Finsters twuschen deegte Pielers. Dat Gewölw hett Krüüzrippen. De Upsatz vun Altoor, de Kanzel un wull ok de Empoor vun de Orgel sünd vun 1681, de Orgel süms is vun 1819 un kümmt ut'n Klassizismus mit'n Slag hen na de Neegotik.
De evangeelsche Kark vun Mariendrebber is en vörmolige Stiftskark. Dor hannelt sik dat üm en Saalkark ut Backsteen bi. De Chor in'n Osten hett wedder veel Ecken un in'n Westen vun de Krak steiht ok hier en Toorn. Up de süüdliche Siet gifft dat en Dwarshuus. In Groten un Ganzen stammt de Kark ut dat 13. Johrhunnert. In't 15. Johrhunnert is dor wat an ännert wurrn un 1857 - 1860 is se up Schick bröcht wurrn, so, as een dat dormols lieden müch. De gevel in'n Süden un meist all Finsters sünd dormols nee maakt wurrn un de Muern sünd höger maakt wurrn. Bloß dat ööstliche Chorfinster is so bleven, as dat al ummer weer. De Altoor is vun 1665, de Kanzel vun 1673 un de Dööpfont ut de Midden vun dat 13. Johrhunnert. In de Kark is ok dat Graffdinkmol vun den lesten Greven vun Deefholt to sehn, dat weer Frederik. He weer 1585 storven un sien Denkmol ut Sandsteen is dor 1582 henstellt wurrn.

Weertschop un Verkehr

Verkehr

Dör Drebber löppt de Bundsstraat 51 dör. De geiht vun Deefholt na Twustern hen. An de Iesenbahnstreck Deefholt- Bremen gifft dat ok en Bahnhoff, man de is nich mehr in Bedriev.

Kiek ok bi

Projekt to'n Sammeln vun plattdüütsche Oortsnaams in de Landkreise Deefholt, Nienborg/Werser un Veern

Literatur

Hans Gerke: Drebber. Chronik des Fleckens Cornau und der Kirchspieldörfer Marien- und Jacobidrebber nebst den Ortschaften Brockstreck, Deckau, Felstehausen, Hoopen, Ihlbrock, Specken und Uthüserdrebber. (Rutg.: Gemeende Drebber), Drebber 1979, 271 S. m. allerhand Biller
Drebber. In: Georg Dehio: Handbuch der Deutschen Kunstdenkmäler. Bremen - Niedersachsen. München / Berlin 1992, S. 401 f.

Weblenken

Websteed vun de Gemeende (hoochdüütsch)

Städer un Gemenen in den Landkreis Deefholt