Gotik

Vun Wikipedia
De Kathedraal Notre-Dame de Reims, en sunnerlich Bispeel vun de franzöös'sche Gotik
Licht ströömt in'n Ruum: Chor vun den Veitsdom in Prag
Notre-Dame de Chartres, Hochgotik, Frankriek
Gotischen Grundriss (Kölner Dom)

De Gotik is en Twieg vun Architektur un Kunst in Europa in dat Middelöller. Se is upkamen üm 1140 rüm in de Île-de-France (Gegend um Paris umto). Nöördlich vun de Alpen hett se bit um un bi 1500 duert. Vördem regeer de Kunst- un Bostil vun de Romanik, achterna keem denn de Renaissance. Klar un düütlich af to grenzen is de Gotik vun düsse beiden Stilen bloß in de Architektur. In de Bildhaueree un Maleree is dat nich so eenfach mööglich.

De Gotik is en Tiedöller ween, wo de Gedanken un Ideen vun den christlichen Gloven to Bild bröcht wurrn is. Dor is veel Symbolik un Allegorie bi bruukt wurrn. Dat beste, wat de Kunst dunntomalen tostanne bröcht hett, weer de gootsche Kathedraal. Se is dat Gesamtkunstwark vun't Middelöller un bringt Architektur, Bildhaueree un (Glas-) Maleree tohopen. In de Bokunst warrt en Unnerscheed maakt twuschen Fröh- un Hoochgotik un Late Gotik. De sünd in de verscheden Länner in Europa unnerscheedlich gau upkamen.

Vunwegen dat de Spitzbagen as en zentral Element vun de Bokunst in de Gotik ankeken warrt, is de Stil toeerst ok Spitzbagenstil nömmt wurrn.[1]

Wo de Naam Gotik vun herkummt[ännern | Bornkood ännern]

De Naam Gotik (vun it. gotico, vun frömme Aart, barbaarsch, is an un for sik en Schimpwoort ween. Dat is hernahmen vun de Germanen ehren Stamm vun de Goten. Präägt hett düssen Utdruck in de Tied vun de Renaissance de italieensche Kunsttheoretiker Giorgio Vasari. He woll dor mit düütlich maken, wat he vun de Kunst vun dat Middelöller gegen dat Gollen Tiedöller vun de Renaissance över holen dö.

Belegen[ännern | Bornkood ännern]

  1. Günther Wasmuth (Rutg.): Wasmuths Lexikon der Baukunst; Berlin, 1929-1932, 4 Bännen