Dorick McGowan Wright

Vun Wikipedia
(wiederwiest vun Dorick Wright)
Zur Navigation springen Zur Suche springen
Wapen von Dorick McGowan Wright

Dorick McGowan Wright (* 15. November 1945 in Belize-Stadt; † 15. April 2020[1]) weer en röömsch-kathoolschen Preester ut Belize. He weer Bischop von Belize-Stadt-Belmopan.

Leven[ännern | Bornkood ännern]

Wright is 1945 in Belize-Stadt boren. As 1961 Hurrikan Hattie över Belize tagen is, wat en Kategorie-5-Hurrikan weer, sünd dor Wright sien Moder, siene beiden Süstern un sien jüngeren Broder Norman bi doodbleven. Wright sülvs hett op en Kokosnöötboom överleevt.[2]

Wright is an’n 30. April 1980 to’n Preester wieht worrn. Bet 1983 weer he Preester von La Inmaculada in Orange Walk un denn an de St John’s Cathedral in Belize-Stadt.

Paapst Johannes Paul II. hett em an’n 12. Dezember 2001 to’n Titulärbischop von Thimida Regia un Wiehbischop in Belize-Stadt-Belmopan maakt. De Bischop von Belize-Stadt-Belmopan, Osmond Peter Martin, hett em an’n 4. April 2002 de Bischopswieh spennt. Dorbi weren de Mitkunsekraters Arzbischop Giacinto Berloco, Apostoolschen Nuntius in El Salvador un Belize, un Edgerton Roland Clarke, Arzbischop von Kingston in Jamaika.

Paapst Benedikt XVI. hett Wright an’n 18. November 2006 to’n Bischop von Belize-Stadt-Belmopan maakt.

An’n 26. Januar 2017 hett Paapst Franziskus sien Rüggtridd vör de Tied annahmen.[3] Sien Nafolger weer denn Lawrence Sydney Nicasio.

Weblenken[ännern | Bornkood ännern]

Footnoten[ännern | Bornkood ännern]

  1. Bishop Dorrick Wright passes at age 74. breakingbelizenews.com, 15. April 2020, afropen an’n 15. April 2020 (engelsch).
  2. Bishop Dorick Wright Passes Away at 74. edition.channel5belize.com, 15. April 2020, afropen an’n 16. April 2020 (engelsch).
  3. Rinuncia del Vescovo di Belize City-Belmopan (Belize) e nomina del successore. In: Tägliches Bulletin. Pressamt von’n Hilligen Stohl, 26. Januar 2017, afropen an’n 26. Januar 2017 (italieensch).