Demost

Vun Wikipedia
(wiederwiest vun Demmost)
Wapen/Flagg Koort

Wapen vun Demost

Demost
Laag vun Demost in Düütschland
Basisdaten
Bundsland: Neddersassen
Flach: 62,36 km²
Inwahners: 74.361 (31.12.2010)
Inwahnerdicht: 1.192,4 Inwahners pro km²
Hööchd: 7 m över de See
Postleettall: 27749-27755
Vörwahl: 04221
Geograafsche Laag:
Koordinaten:53° 3′ N, 8° 38′ O
53° 3′ N, 8° 38′ O
Grenzen bi OSM: 62414 62414
Gemeenslötel: 03401000
Börgermeester: Axel Jahnz (SPD)
Websteed: www.delmenhorst.de
Koort
Koort

Demost (hoochdüütsch: Delmenhorst) is ene kreisfre'e Stadt in den ehemaalschen Regeerbezirk Werser-Eems (Neddersassen), liggt an de Grenz van Bremen un hett 74.361 Inwahners (Stand 31.12.2010). Demost is de gröttste Industriestadt twüschen Werser un Ems.

Geschichte[ännern | Bornkood ännern]

Demost liggt an'n Rand van de 20 bit 30 m hoge Geest in dat Siedland van de Delme. De Demoster Geest weer in vörgeschichtliche Tiet al tämlich dicht besiedelt. Dat betüügt de velen Funnen, de ut de Steentiet un de Bronzetiet stammt.

Vör 800 Jahren stund hier maal de Schlüterborg, de 1230 un 1234 van de Stedinger daalmaakt woor. De Ollnborger Grafen geven 1247 ehre Borg in Berne up un boen ene ne'e up den "Horst an de Delme". Darum nömen se sik "de Grafen von Ollnborg un Demost" De Graafschaft Demost weer tietwies sülvstännig un up dat Slott regeer dreemaal ene Sietenlien van dat Ollnborger Grafenhuus, tolest van 1577 - 1647.

1482 nehm de Bischop van Mönster de Stadt Demost in, aver Graaf Anton van Ollnborg kunn se 1547 wedder trüggwinnen. Na Graaf Anton Günther sienen Doot (1667) keem ok Demost bit 1773 unner däänsche Verwalten. In disse Tiet woor de Borg afbraken. Blots de "Blaue Toorn", de noch vandagen in dat Stadtwappen afbillt is, bleev bit 1787 bestahn. De Oort, de sik bi de Borg entwickelt harr, kreeg al 1371 dat Bremer Stadtrecht.

Weertschup[ännern | Bornkood ännern]

De lütte Ackerbörgerstadt harr in fröhere Tieden kiene Industrie. Blots van dat nege Dorp Hasbargen drung dat "Proppensnieden" na Demost vör. Dat heet: in Huusarbeit sneden vele Lüe ut Kork Proppens för Buddels in all Grötten, verdenen dar aver nich veel mit. As de Iesenbahnlien Bremen-Ollnborg boot weer, keem in korte Tiet en Industriebedriev na'n anneren. 1870 keem de Jutespinneree, 1882 de Linoleumfabrik un 1884 de Wullkämmeree. Vandagen existeert de groten Bedrieve nich mehr, aver darför hefft sik vele lüttere ansiedelt, t.B. Sanella, Delmod un Atlas. 1903 woor Demost ene Stadt I. Klass. Siet 1956 is Demost wedder Garnisonstadt. 1952 woor de Delmehall boot, dat is ene Hall, in de de Heerdbooksellschup ehre Rinnerauchschonen afholen kann, de aver ok för lütte Markten un Utstellungen un as Hall för Kundgeven un Fieren goot to bruken is.

Inwahners[ännern | Bornkood ännern]

In dat Middelöller un in de fröhe Nutied hett Demost man bloß en paar Hunnert Inwahners harrt. Bloß suutjes sünd dat mehr wurrn. Krieg, Hunger un Süken hefft dor denn ok jummers wedder för sorgt, dat dat minner wurrn sünd. Eerst, as dat in dat 19. Johrhunnert losgüng mit de Industrie sünd slank mehr Lüde na Demost kamen. De Stadt is dormols to de gröttste Industriestadt twuschen Werser un Eems wurrn. 1816 weern dat eerst 1.937 Lüde, de in de Stadt leven döen, man 1900 sünd dat denn al üm un bi 16.000 ween.

Na dat Enn vun'n Tweeten Weltkrieg sünd veel Flüchtlingen un Verdrevenen na de Stadt kamen. So weern dat bit 1950 nich mehr bi 20.000, man mehr as 57.000 Inwahners wurrn. In dat Johr 1995 weer bither to de hööchste Stand in de Inwahnerstahl: Dormols hefft 78.226 Lüde in de Stadt leevt. Bi de Inwahnertahl mutt een dor ok an denken, dat mit de Tied jummers mehr Dörper un Gemeende in de Stadt inföögt wurrn sünd.

Datum Inwahners
15. August 1816 ¹ 1.937
1. Februar 1828 ¹ 2.124
1. Juli 1837 ¹ 2.399
1. Juli 1846 ¹ 2.409
2. Januar 1850 ¹ 2.372
1. Juli 1852 ¹ 2.439
3. Dezember 1854 ¹ 2.419
3. Dezember 1855 ¹ 2.628
3. Dezember 1858 ¹ 2.754
3. Dezember 1861 ¹ 2.916
3. Dezember 1864 ¹ 3.172
3. Dezember 1867 ¹ 3.507
1. Dezember 1871 ¹ 4.018
1. Dezember 1875 ¹ 4.800
1. Dezember 1880 ¹ 5.408
Datum Inwahners
1. Dezember 1885 ¹ 6.647
1. Dezember 1890 ¹ 9.372
2. Dezember 1895 ¹ 12.569
1. Dezember 1900 ¹ 16.579
1. Dezember 1905 ¹ 20.150
1. Dezember 1910 ¹ 22.516
1. Dezember 1916 ¹ 19.684
5. Dezember 1917 ¹ 19.418
8. Oktober 1919 ¹ 21.878
16. Juni 1925 ¹ 24.702
16. Juni 1933 ¹ 31.284
17. Mai 1939 ¹ 38.261
31. Dezember 1945 41.784
29. Oktober 1946 ¹ 48.742
13. September 1950 ¹ 57.273
Datum Inwahners
25. September 1956 ¹ 54.791
6. Juni 1961 ¹ 57.312
31. Dezember 1965 61.977
27. Mai 1970 ¹ 63.266
31. Dezember 1975 71.488
31. Dezember 1980 72.370
31. Dezember 1985 70.546
25. Mai 1987 ¹ 72.072
31. Dezember 1990 75.154
31. Dezember 1995 78.226
31. Dezember 2000 76.644
31. Dezember 2005 75.916
31. Dezember 2006 75.320
31. Dezember 2007 75.135
31. Juli 2008 77.711
31. Dezember 2010 74.361

¹ Dormols sünd de Lüde tellt wurrn


Bekannte Lüde ut Demost[ännern | Bornkood ännern]