Deefholt

Wapen/Flagg

Koort

Basisdaten

Bundsland: Neddersassen

Flach:

104,45 km²

Inwahners:

16.169 (2014-12-3131. Dezember 2014)

Inwahnerdicht:

154,8 Inwahners pro km²

Postleettall:

49356

Vörwahl:

05 441

Geograafsche Laag:

Koordinaten:52° 22′ N, 8° 13′ O52° 22′ N, 8° 13′ O

Grenzen bi OSM:

1379354

Öörd in de Gemeen:

4

Börgermeester:

Dr. Thomas Schulze (ohn Partei)

Websteed:

www.stadt-diepholz.de

Deefholt (hoochdüütsch Diepholz) is en Stadt in Neddersassen mit 16.600 Inwahners. De Stadt liggt an de Hunte un is de Kreisstadt vun den Landkreis Deefholt in Neddersassen. Deefholt is de veertgröttste Gemeende in den Landkreis.

Geografie

Laag

Deefholt liggt tämlich genau in’e Midden twüschen Bremen (65 km in’n Noordwesten), Ollnborg (70 km in’n Noordwesten) un Ossenbrügge (50 km in’n Süüdwesten). De Stadt liggt nöördlich vun den Dümmer un noordööstlich vun de Dammer Bargen.

Strööm un Beken

Dör Deefholt fleet verscheden Strööm un Beken dör. All kaamt se vun Süden dör dat Moor un de meisten gaht vun'n Dümmer ut. Dicht üm de Stadt ümto fleet in’n Westen de Hunte un in'n Oosten de Strothe. Midden dör de Stadt dör flutt de Lohne. De splitt sik dicht bi’n Raathuus up in de „Vör-“ un in de „Achterlohne“. Korte Tiet later ströömt se wedder tosamen. Vun dor af an heet se denn Flöthe. En beten wieder in’n Oosten flutt de Grawiede. Ok nich wiet af is de Wätering (dat is an un for sik al de Hunte). All tohopen münnt se amenn in de Hunte in un de ströömt denn na Noorden to.

Navergemeenden

Navers sünd unner annern dree Städer ut den Landkreis Vechte, de nicht wiet af sünd vun Deefholt. Dat sünd:

Vechte (18 km in’n Noordwesten)
Lohn (Ollnborg) (15 km in’n Noordwesten)
Damme (Landkreis Vechte) (22 km in’n Westen)

Bavenhen grenzt Deefholt an Drebber un Baanstrup in’n Noorden, Steiwelt in’n Westen, Wetschken un Rehrn in’n Oosten un in’n Süden an Lemförde un Hüde.

Stadtdelen

Deefholt sett sik tohopen ut de ole Stadt Deefholt un de Stadtdelen, de siet de Gemeendereform vun 1972 to de Gemeende kamen sünd:

Historie

In dat 10. bit 11. Johrhunnert hefft de Eddelherren vun Thefholte in de Gegend vun Deefholt en Waterborg boot. In'n Schutz vun de Borg is gau en Wohnsteed tostanne kamen un ut Thefholte is Deefholt wurrn. In dat Johr 1380 hett Johann III. vun Deefholt för siene Börgers dat Ossenbrügger Stadtrecht gellen laten. 1531 hefft de Eddellüde vun Deefholt den Titel vun en Greven annahmen. Korte Tiet vördem harrn se sik ünner de Hoheit vun de Hartöög vun Bruunswiek-Lüünborg stellt un nehmen ehr Herrschop vun jem to Lehn an. Man 1585 is dat Grevenhuus vun Deefholt utstorven un Stadt un Greevschop kemen to Bruunswiek-Lüünborg. Man dat Amt Auborg weer al 1523 ünner de Herrschop vun de Landgreven vun Hessen-Kassel kamen. In dat 18. un 19. Johrhunnert bill Deefholt tohopen mit Hoya en Provinz vun Hannober. De Toorn vun dat Slott is 43 m hooch un steiht hüdigendags noch. De Borg is in'n Dartigjöhrigen Krieg to'n Deel kaputt maakt wurrn. Hartog Christian-Ludwig vun Bruunswiek-Lüünborg hett se later wedder upboot. Vun 1852 af an sitt dor dat Amtsgericht.

In den Tweten Weltkrieg is de Stadt fökener vun Bombers vun de Allieerten angrepen wurrn. Na den Krieg sünd allerhand nee Inwahners ut de ööstlichen Landstreken vun Düütschland verdreven wurrn un na Deefholt kamen. Up düsse Aart hett de Stadt allerhand nee Inwahners kregen.

Kiek ok bi

Projekt to'n Sammeln vun plattdüütsche Oortsnaams in de Landkreise Deefholt, Nienborg/Werser un Veern

Websteed

Websteed vun de Stadt Deefholt (hoochdüütsch)

Städer un Gemenen in den Landkreis Deefholt