Death Dimension

Vun Wikipedia
Filmdaten
Plattdüütsch Titel:
Originaltitel: Death Dimension
Düütsch Titel: Der Einzelkämpfer
Produkschoonsland: USA
Johr vun’t Rutkamen: 1978
Läng: 79 Minuten
Originalspraak: Engelsch
Öllersfreegaav in Düütschland: FSK 16
Filmkru
Speelbaas: Al Adamson
Dreihbook: Harry Hope
Produkschoon: Harry Hope
Musik: Chuck Ransdell
Kamera: Gary Graver
Snitt: Dan Seeger
Dorstellers

Death Dimension (op plattdüütsch so veel as „Dimension vun’n Dood“; dt. Titel: Der Einzelkämpfer) is en US-amerikaanschen Actionfilm ut dat Johr 1978. De Hööftrullen vun den B-Movie hebbt Jim Kelly, Harold Sakata un George Lazenby speelt. Speelbaas weer Al Adamson.

Inholt[ännern | Bornkood ännern]

Dr. Mason is in de Hannen vun en Verbreker-Ünnernehmen. Ünner de Opsicht vun The Pig entwickelt he in en aflegen Forschungslabor in de Wööst en „Küllbomb“, de Minschen in wenige Sekunnen dootfreren laten kann. Ümdat sien Utfinnen nich in de verkehrten Hannen fallt, kopeert Mason sien Formel op en Mikrofilm, den he sien Helpersche ünner de Kopphuut inplanten deit. Se schall dormit utneihn un de Informatschonen an den FBI wiedergeven. De Originalünnerlagen verbrennt he und bringt sik denn sülvst üm.

Ofschoonst Pig nu nix mehr in de Hand hett, verköfft he de Formel för veel Geld al wieter. Togliek schickt he sien Mackers ut, dat se Mason sien Helpersche wedderfinnen doot. In de Twüschentiet hett aver ok de Polizei mitkregen, dat in de Wööst en geheeme Testexplosion aflopen is. De Karate-Kampmaschien Lt. Detective Ash warrt op den Fall ansett un dat kummt to en Jagd üm dat Weten vun de Küllbomb. Ash kummt dorbi vun en Kamp in den nächsten, kann aver mit sien överlegen Kampkunst een vun Pig sien Mackers na’n annern utschalten. Help hett he dorbi vun sien Fründ Li, de ok Karate kann.

En poor mol geiht dat scheef, man denn kriegt Pig sien Lüüd de Helpersche vun Mason doch noch to faten. Sülvst as man ehr mit Folter drauht, veraat se ehr Geheemnis nich. In en heemlichen Moment kann se aver de Polizei anropen un warrt dorophen vun Cpt. Gallagher persönlich reddt. Se vertellt em denn vun den Mikrofilm, aver Gallagher gifft sik nu as Helpsmann vun The Pig to kennen. Man, Ash kummt em op de Spoor un kann de Fro jüst noch redden, vördem se an de Siet maakt warrn schall. Blots Pig kann mit sien rechte Hand un den Mikrofilm utneihn. Na wietere Kampszenen kummt dat denn to’n Showdown. As Pig opletzt mit en lütten Fleger aftohauen drauht, tütt Ash sien Pistool un schütt op em. He dröpt den Tank un de Fleger explodeert.

Kritik[ännern | Bornkood ännern]

Andrew Borntreger op www.badmovies.org: „Schüll dat en Grund geven dissen Film to kieken, denn üm över de böse Macker-Schildpatt un de afsluut unvermodte Schildpadd-Folterszeen to gniggern…“[1]

Weblenken[ännern | Bornkood ännern]

Borns[ännern | Bornkood ännern]

  1. Rezension von Andrew Borntreger op www.badmovies.org vun’n 7. August 2008 afropen an’n 21. Juni 2011