Harold Sakata

Vun Wikipedia

Toshiyuki „Harold“ Sakata (* 1. Juli 1920 in Holualoa; Hawaii; † 29. Juli 1982 in Honolulu, Hawaii) weer en US-amerikaansch Schauspeler vun japaansch Afstammen, de vör allen wegen sien Rull as Bösewicht Oddjob („Gelegenheitsarbeit“) in de James-Bond-Film Goldfinger bekannt wurr.

As Sakata nah sien Schooltiet up dat Fastland truck, hett he sück den westlichen Vörnaam Harold toleggt. He weer en bannig gooden Gewichthever un wunn bi de Olympisch Sömmerspelen 1948 in London en Sülvermedaille. Ok as Wrestler harr he nahderhenn temelk Spood.

De Bond-Produzenten Albert R. Broccoli un Harry Saltzman hebbt Sakata vör allen wegen sien swoor Körperbau halt – he weer 1,85 Meter groot und woog 130 kg. De Rull vun Oddjob weer vör Sakata genau passend. Schauspelern harr he gar nich lehrt, aber dat bruuk he ok meest nich und Oddjob weer ok kien Rull, wo he snacken muss.

Sakata wurr wegen disse Rull so bekannt, dat he ünner de Naam as Wrestler uptreden is[1] un Oddjob to sien darten Vörnaam makt hett. Nah den Bond-Film keem he up den Smack un speel in tallriek anner Films Nevenrullen. Dat weern denn immer Militärtypen, muskelbepackt Släger un stumm Lievwachten. Sakata is mit 62 Johren an Kreeft storven.

Filmografie (Utwahl)[ännern | Bornkood ännern]

Johr Titel Synchroonsnacker
1964 Goldfinger
1966 Zarabanda Bing Bing
dt.: Operation Gold
 
1966 Dimension 5  
1971 Sarge, Feernsehnreeg  
1974 Impulse  
1976 Mako: The Jaws of Death
dt.: Mako, die Bestie
 
1978 Death Dimension
dt.: Der Einzelkämpfer
 
1982 Xiong zhong
dt.: Bruce kehrt zurück
 
1982 Horror Safari
dt.: Söldner des Todes
 

Weblenken[ännern | Bornkood ännern]

Enklel Nahwiesen[ännern | Bornkood ännern]

  1. http://www.wwf4ever.de/135-12-information.php