Brussels Cycling Classic

Vun Wikipedia

Brussels Cycling Classic (bis 2012: Paris–Brüssel frz.: Paris–Bruxelles) is en vun dat öldste bit hüüd existeerend klassisch Eendagsrennen in’ Radsport. Dat vun Paris nah Brüssel führend Rennen funn eerstmals 1893 statt un wurrd siet 1906 jährlich utdragen.

De Renntermin vun Paris–Brüssel weer bit 1966 Enn’ April, un gull as en vun de wichtigst Fröhjohrsklassiker in’ Radsport. Nah en Ünnerbreken vun söss Johren wurr dat Rennen 1973 weer upnommen un find sietdem in’ September statt. Hüüd gellt Paris–Brüssel as "Half-Klassiker" un is vun den Radsportweltverband UCI as "1.HC", also in de hööchste Kategorie ünnerhalv vun de ProTour, instuuft.

De Längt vun dat Rennen wurr in de Loop vunde Johren immer körter: In de Anfangstiet düütlich över 400 km lang, weern dat 1987 noch rund 300 km un wurrd hüüd över 220 km utdragen. Dorüm is de Start bi Paris–Brüssel intüschen ok nich mehr in Paris, sonnern 85 km noordööstlich in Soissons.

Rekordwinner vun dat lang vun de Belgiers domineert Rennen is mit fiev Siegen de Australier Robbie McEwen (2002, 2005–08). Dree mal hebbt bit lang de Franzoos Octave Lapize (1911–13) un de Belgier Félix Sellier (1922–24) wunnen. De eenzig düütsch Winners weern Rolf Gölz 1988, André Greipel 2013,2014 un Pascal Ackermann 2018.

Siegerlist[ännern | Bornkood ännern]

Weblenken[ännern | Bornkood ännern]