Félix Sellier
Félix Sellier (* 2. Januar 1893 in Spy; † 16. April 1965 in Gembloux) weer en belgisch Radrennfohrer.
1919 wunn Félix Sellier de Belgien-Rundfohrt in de Klass vun de Unafhängigen; in dat sülvig Johr is he Profi wurrn. 1924 wunn he de Belgien-Rundfohrt nochmals, ditmal as Profi, as ok 1925 Paris-Roubaix. Tweemal – 1923 un 1926 – wurr he Belgisch Meester in’t Straatenrennen. 1923 wurr de belgisch Straatenmeesterschap eerstmals nah elf Johren weer as Punkwertung vun mehreren Rennen fohren; negen Rennen wurrn weert, de man up Flannern un de Wallonie opdeelt harr, nahdem de letzte Punktmeesterschap 1912 blots in de Wallonie utdragen wurrn weer. Van 1922 bit 1924 wunn Sellier dreemal nah’nanner dat Rennen Paris–Brüssel. 1927 wunn he dat Sössdaagrennen vun Brüssel, mit Henri Duray.
Söbenmal nehm Sellier van 1920 bit 1926 an de Tour de France deel. Dorbi keem he in de Gesamtwertung 1922 up den darten Platz, 1925 up Platz 9 un 1926 keem he as Fieft in Paris an.
Nah dat Enn’ vun sien Radsport-Loopbahn 1928, hett Félix Sellier en Café in Gembloux apen makt. Ok sien Bröer Fernand weer Rennfohrer as ok sien Söhn Victor, de allerdings in’ Tweeten Weltkrieg fallen is.
Literatur
[ännern | Bornkood ännern]- Herman Laitem, Jozef Hamels: De Tricolore Trui. 1882–2007. 125 Jaar Belgische Kampioenschappen. Pinguin Productions u. a., Balegem u. a. 2008, ISBN 978-90-73322-21-9, S. 66f.