Remco Evenepoel

Vun Wikipedia
Zur Navigation springen Zur Suche springen

Remco Evenepoel (* 25. Januar 2000 in Schepdaal) is en belgisch Radrennfohrer.

Loopbahn[ännern | Bornkood ännern]

Remco Evenepoel stammt ut en Radsportfamilie; sien Vader Patrick Evenepoel weer ebenfalls Radrennfohrer. Remco fung aber toeerst mit dat Footballspelen an. He speel för de Jöögdmannschapen vun RSC Anderlecht un PSV Eindhoven un reck ok natschonale Utwahlmannschapen in verscheeden Öllerskategorien. Toletzt speel he för den KV Mechelen, bit he 2017 to’n Radsport wesseln dee.[1] In’n Harvst van dat Johr wunn he de eerste Junioren-Rennen, insgesamt reck he binnerhalv vun de nächst 18 Maand 34 Siege bi 44 Rennen.[2]

In‘n August 2018 wurrr Remco Evenepoel, de all beid natschonale Straatentitel wunnen harr, in Glasgow tweefack Junioren-Europameester, wobi he dat Straatenrennen mit en Vörsprung vun 9:44 Minüüt up sien Naam schrieven kunn. Bi de Straaten-Weltmeesterschapen van de Junioren in Innsbruck wurr he Weltmeestrer in dat Eenzeltietfohren un bi dat Straatenrennen. Doruphen kreeg he en Verdrag bi dat Radsportteam Deceuninck-Quick-Step. Wegen sien bitherig Spood hett hüm de belgisch Presse in Anlehnung an Eddy Merckx Kannibaal van Schepdaal nömmt,[3] aber Evenepoel hett seggt, dat he nich as „der nächste Merckx“ beteekent wurrn wull.[2]

In’n Januar 2019 is Evenepoel bi de Vuelta a San Juan Internacional eerstmals för sien Mannschap an den Start gahn. In dat Eenzeltietfohren bi de dart Deelstreck vun de argentiensch Rundfohrt keem he up Platz 3 rin, keem in de Gesamtwertung up Platz 9 un wunn ok noch de Nahwusswertung. Nahdem Evenepoel in‘n Juni 2019 de Gesamtwertung vun de Belgien-Rundfohrt wunnen harr, keem he in’n August bi sien eersten Start in en UCI WorldTour-Rennen, de Clásica San Sebastián up den ersten Platz. He full woll in den vörletzten Anstieg vörövergahnd ut de Spitzengrupp torüch, kunn aber 20 Kilometer vör dat Teel en Angreep vun Toms Skujiņš folgen, den he an den letzten Anstieg up Afstand hollen dee un reck dat Teel mit 38 Sekunnen Vörsprung up de nächsten Verfolger (Greg Van Avermaet un Marc Hirschi).[4]

In‘n August 2019 wurr Remco Evenepoel in dat nedderlannsch Alkmaar Europameester in’t Eenzeltietfohren, nahdem he 2018 noch beid Titel in de Juniorenklass wunnen harr.

Wat he schafft hett[ännern | Bornkood ännern]

2017
  • een Deelstreck un Punktewertung Aubel-Thimister-Stavelot
  • La Route des Géants
  • La Philippe Gilbert juniors
2018
  • Kuurne–Brüssel–Kuurne (Junioren)
  • Guido Rexbrouck Classic
  • Gesamtwertung, twee Etappen, Punktewertung un Bargwertung Internatschonale Freedensfohrt (Junioren)
  • Gesamtwertung, een Deelstreck un Punktewertung Trophée Centre Morbihan
  • MaillotBélgica.PNG Belgisch Junioren-Meester – Eenzeltietfohren un Straatenrennen (Junioren)
  • Gesamtwertung, twee Deelstrecken, Punktewertung un Bargwertung GP Général Paton
  • Europameester – Eenzeltietfohren un Straatenrennen (Junioren)
  • Gesamtwertung, een Deelstreck, Punktewertung un Bargwertung Aubel-Thimister-Stavelot
  • Gesamtwertung, dree Deelstrecken Etappen, Punktewertung un Bargwertung Giro della Lunigiana
  • Weltmeester – Eenzeltietfohren un Straatenrennen (Junioren)
  • Chrono des Nations (Junioren)
2019

Teams[ännern | Bornkood ännern]

  • 2019 Deceuninck-Quick-Step

Weblinks[ännern | Bornkood ännern]

Commons-logo.svg Remco Evenepoel. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. In een paar maanden tijd van voetbalkapitein tot winnende wielerbelofte. In: WielerVerhaal. 25. August 2017, afropen an’n 10. August 2019 (nedderlandsch).
  2. a b Remco Evenepoel: Don't call me the next Eddy Merckx. In: Cycling News. 25. September 2018, afropen an’n 10. August 2019.
  3. Zalige beelden: Remco Evenepoel deelt vreugde met zijn papa en mama. In: sporza.be. 25. September 2018, afropen an’n 30. Januar 2019 (nedderlandsch).
  4. Evenepoel gelingt Überraschungscoup bei Klasikoa. In: radsport-news.com. 3. August 2019.