Greg Van Avermaet
Greg Van Avermaet (* 17. Mai 1985 in Lokeren) is en belgisch Radrennfohrer. Bi de Olympisch Spelen 2016 in Rio de Janeiro reck he mit den Olympiasieg in dat Straatenrennen den bither gröttsten Erfolg in sien Loopbahn.
Sportlich Werdegang[ännern | Bornkood ännern]
Van Avermaet speel bitt o sien 18. Levensjohr in den belgischen Footballclub KSK Beveren in’t Door. Nahdem he blots noch in de tweet Mannschap speel, hett he sück för den Radsport entscheed.[1]
Nahdem Van Avermaet 2005 Hasselt-Spa-Hasselt un en Afsnitt bi dat U23-Deelstreckenrennen Triptyque des Barrages up sien Naam schrieven kunn, sloot he sück 2006 dat belgisch Continental Team Bodysol-Win for Life-Jong Vlaanderen an. In disse Saison wunn he mehrere lütt belgisch Eendagsrennen un fier mit den Sieg bi de belgisch U23-Meesterschap in dat Straatenrennen sien bit dorhen gröttsten Erfolg.
2007 kreeg Van Avermaet en Verdrag bi dat belgisch ProTeam Predictor-Lotto un reck bi de Katar-Rundfohrt up de fievte Deelstreck sien eerst internatschonalen Erfolg. Sien eerst Deelstreckensieg bi een vun de dree groot Rundfohrten kunn he in‘ September 2008 recken, as he up de 9. Deelstreck vun de Vuelta a España vun Viella nah Sabiñánigo den Sprint vun en Utrietergrupp för sück entscheeden kunn. Todem wunn he Van Avermaet de Punktewertung bi disse Rundfohrt. Bi de Flannern-Rundfohrt vun dat Johr weer he all up den 8. Platz kommen.
2011 wessel he to dat swiezerisch-amerikaansch BMC Racing Team un entwickel sück to’n spoodrieken Klassikerfohrer, insbesünnere bi de beid Koppsteenplaasterrennen Flannern-Rundfohrt un Paris–Roubaix, de to de Monumente vun den Radsport hörrn un bi de he sück mehrfack ünner de eerst Teihn platzeeren dee. De eerste Klassikersieg, den he 2011 as Sprintsieger vun en Utrieterduo bi Paris-Tours recken dee, weer sien bit dorhen gröttste Spood.[2] Bi de Flannern-Rundfohrt 2014 verlor he in en Sprint vun en veer Mann stark Spitzengrupp blots knapp gegen Fabian Cancellara.[3]
Bi de 13. Deelstreck vun de Tour de France 2015 wunn he in Tweeersprint gegen Peter Sagan sien eerst Tourdeelstreck. In‘ August vun dat sülvig Johr wurr he bi de Clásica San Sebastián in Führung liggend vun en Begleitmotorrad to Fall brocht. Sien Team BMC hett doruphen en rechtlich Vörgahn gegen den Veranstalter ankünnigt.[4]
De Sieg bi de fievte Deelstreck bi de Tour de France 2016 as Utrieter broch hüm togliek dat Geel Trikot vun den Gesamtführenden in,[5] dat he insgesamt up dree Deelstrecken droog.
Bi de Olympisch Spelen 2016 in Rio de Janeiro seker he sück de Goldmedaille in dat Straatenrennen in‘ Sprint vun en dreeköppig Utrietergrupp. Tosommen mit den Dänen Jakob Fuglsang is he to Rafal Majka upfohren, de de letzten 10 Kilometer alleen torüchleggt harr, nahdem de sien beid Begleiter Vincenzo Nibali un Sergio Henao in de Affohrt to Fall kommen weern.[6] Van Avermaet wunn dormit de eerste Goldmedaille för Belgien in dat Olympisch Straatenrennen siet André Noyelle 1952.
Ermittlungen wegen Doping[ännern | Bornkood ännern]
Van 2009 bit 2012 sall Van Avermaet in‘ Wettkamp verboden Kortisonpräparate konsumeert hemm, besünners in de Phase vör de Flannern-Rundfohrt 2012, de Van Avermaet up den veerten Platz afsluuten dee. De Vörwürfe hemm sück vör allen up en belastend E-Mail-Verkehr tüschen Van Avermaet un den Sportmediziner Chris Mertens grünnd. In‘ April 2015 stell der Anti-Doping-Anwalt vun den belgischen Radsportverband KBWB Straafantrag gegen Van Avermaet wegen Doping. He sull en Straaf vun 260.000 Euro betallen un sien Ergevnisse vun de Saison 2012 sullen streeken wurrn.[7]
An‘ 7. Mai 2015 wurr Greg Van Avermaet vun den belgischen Radsportverbandes vun den Verdacht vun Medikamentenmissbruuk to Leistungsstiegern freespraaken.[8]
Familie[ännern | Bornkood ännern]
Greg van Avermaet is de Söhn vun Ronald Van Avermaet, Radprofi van 1982 bit 1985, un Enkel vun Aimé Van Avermaet, Radprofi van 1957 bit 1963. Sien Schwager Glenn D’Hollander weer van 2008 bit 2010 sien Teamkollege bi Silence-Lotto.
Wat he schafft hett[ännern | Bornkood ännern]
|
Enkeld Nahwiesen[ännern | Bornkood ännern]
- ↑ [1] Van Avermaet Q&A: In search of brilliance, and Flanders, velonews.com van‘ 27. Februar 2014, afropen an’ 18. September 2015 (engelsch)
- ↑ radsport-news.com vom 9. Oktober 2011: Van Avermaet hat das kurze Ende für sich
- ↑ [2] Van Avermaet: „Ich habe ja noch ein paar Jahre“, radsport-news.com van‘ 7. April 2014, afropen an‘ 18. September 2015
- ↑ [url=http://www.rad-net.de/nachrichten/nach-unfall-bei-clasica-san-sebastian-bmc-kuendigt-rechtliche-schritte-an;n_37070.html] Nach Unfall bei Clasica San Sebastian: BMC kündigt rechtliche Schritte an, rad-net.de afropen an‘ 10. März 2017
- ↑ [3] Greg van Avermaet holt Etappensieg und Gelb im Zentralmassiv, afropen an‘ 6. Juli 2016
- ↑ [4] Van Avermaet holt Gold in Rio, radsport-news.com van‘ 6. August 2016, afropen an den sülvigen Dag
- ↑ [5] Belgier Greg Van Avermaet droht Dopingsperre und Geldstrafe über 260.000 Euro, Sportal van‘ 23. Juni 2014, afropen an‘ 8. Mai 2015
- ↑ [6] Greg Van Avermaet vom Dopingverdacht freigesprochen, rad-net.de van‘ 25. März 2013, afropen an‘ 8. Mai 2015
