Rolf Gölz
Rolf Gölz (* 30. September 1962 in Bad Schussenried) is en ehmalger düütsch Radrennfohrer.
Gölz wunn in sien Amateurtiet 1983 de Weltmeesterschap mit de düütsch Bahnveerer un bi de Olympisch Sömmerspelen 1984 in Los Angeles wunn he een Sülver – un en Bronzemedaille in de 4000 Meter Eener- bzw. Mannschapsverfolgung. Wegen sien kraftvullen Fohrwies wurr Gölz vun völ Kollegen „Turbo“ nömmt.
In sien Profi-Tiet van 1985 bit 1993 hörr he to de wenig düütsch Straatenfohrer mit internatschonaal Bedüüden. Gölz spezialiseer sück dorbi vör allen up klassisch Eendagsrennen. So wunn he jeweils as eerst Düütsch den La Flèche Wallonne 1988, Paris–Brüssel 1988 as ok Mailand-Turin (1988 und 1989), as ok as eerst Nicht-Spanier överhoopt 1988 de Vuelta a Asturias. All 1987 wunn he bi de Meesterschap vun Zürich. Bi de Tour de France kunn he 1987 un 1988 jeweils en Deelstreck winnen. Buterdem gelungen hüm Gesamtsiege bi de Ruta del Sol (1985, 1987) un bi de Middelmeer-Rundfohrt 1992.
Nah sien Radsportkarriere hett Gölz en Studium vun de Bedrievswertschap to’n Enn’ brocht un hett as sportlich Leiter bi dat Team Gerolsteiner arbeit. Todem weer he vör dat ZDF as Co-Kommentator bi Tour-de-France-Överdragen tätig un hett 2003 en Book över klassisch Eendagsrennen (Mythos Klassiker) schreven. 1994–1999 seet he för de Free Wähler in den Gemeenderaat vun Bad Schussenried.
Hüüd hett he in Bad Saulgau en Fohrradgeschäft.
Wat he schafft hett
[ännern | Bornkood ännern]1985
- Gesamtsieg Ruta del Sol
- Deutscher Straßenmeister
1987
- Etappensieg Tour de France
- Meesterschap vun Zürich
- Gesamtsieg Ruta del Sol
- Gesamtsieg un 2 Deelstrecken Tour du Haut-Var
- Gesamtsieg un 2 Deelstrecken Grand Prix Midi Libre
- 2. Gesamtrang un en Etappe Baskenland-Rundfohrt
1988
- Etappensieg Tour de France
- Mailand-Turin
- La Flèche Wallonne
- Paris–Brüssel
- Giro del Piemonte
- Vuelta a Asturias
- Irland-Rundfohrt
- Piemont-Rundfohrt
- Gesamtwertung un 2 Deelstrecken Vuelta a Asturias
- een Etappe Valencia-Rundfohrt
- een Etappe Baskenland-Rundfohrt
1989
- Mailand-Turin
- een Deelstreck Aragon-Rundfohrt
- 2. Gesamtrang un en Deelstreck Tirreno–Adriatico
- 2 Etappen Valencia-Rundfohrt
1990
- een Deelstreck Dauphiné Libéré
- een Deelstreck Baskenland-Rundfohrt
- 2. Platz Mailand–Sanremo
1992
- Gesamtwertung un 2 Etappen Middelmeer-Rundfohrt
Teams
[ännern | Bornkood ännern]- 1985-1986 Del Tongo
- 1987 - 1989 Super Confex
- 1990 Buckler
- 1991 - 1992 Ariostea