Bruno Parma
Bruno Parma (* 30. Dezember 1941 in Ljubljana) is en jugoslaawsch/sloweensch Schachmeester.
Leven[ännern | Bornkood ännern]
Parma weer in de 1960er- un 1970er-Johren en vun de führend Schachspeler vun Jugoslawien. He wunn 1961 in Den Haag de Junioren-Weltmeesterschap un wurr in dat sülvige Johr Internatschonaler Meester. Nah en spoodriek Turnier in Beverwijk 1963 kreeg he vun de FIDE Grootmeestertitel tospraaken.[1] Sien gröttste Erfolge weern Siege bi de Turniere in Polanica Zdrój 1964 (vör Andrzej Filipowicz un Vlastimil Hort), Reggio nell’Emilia 1965 un 1970 un in Sarajewo 1970 (gemeensam mit Ljubomir Ljubojević). 1969 wurr he in San Juan (Puerto Rico) Tweet achter Weltmeester Boris Spasski.
Bi de Düörpmer Schachdaag 1973 keem he gemeensam mit Ulf Andersson up den deelten 2. Platz.[2] Bi de tweet Internatschonale Düütsch Meesterschap 1973 in Düörpm keem he up Platz 8.[3] Sien letzt wert Turnier hett Bruno Parma 1985 in Portoroz (Sieger Lajos Portisch) bestreeden. He wurrd dorum vun de FIDE as inaktiv führt. Sien hööchste Elo-Tall de he reckt hett, weer 2540 (in’n Januar 1978).
Natschonalmannschap[ännern | Bornkood ännern]
Parma hett för Jugoslawien an de Schacholympiaden 1962, 1964, 1966, 1968, 1970, 1974, 1978 un 1980 deelnommen. Mit de Mannschap hett he dorbi 1962, 1964, 1968 un 1974 den tweeten, 1970 un 1980 den darten Platz reckt.[4] An de Mannschapseuropameesterschap hett he 1965, 1970, 1973 un 1977 deelnommen. Mit de Mannschap reck he 1965 un 1973 den tweeten un 1977 den darten Platz, in de Eenzelwertung reck he 1970 an dat veerte 1973 an dat fievte Brett jewiels dat tweetbeste Eenzelergevnis, 1965 un 1977 jewiels dat dartbeste Ergevnis an dat fievte Brett.[5]
Enkeld Nahwiesen[ännern | Bornkood ännern]
- ↑ Willy Iclicki: FIDE Golden book 1924-2002. Euroadria, Slovenia, 2002, S. 75
- ↑ Dortmunder Schachtage 1973 - Bericht vun Gerhard Hund
- ↑ 2. Internationale Deutsche Schacheinzelmeisterschaft 1973 in Dortmund up TeleSchach
- ↑ Bruno Parma sien Ergevnisse bi Schacholympiaden up olimpbase.org (engelsch)
- ↑ Bruno Parma sien Ergevnisse bi Mannschapseuropameesterschapen up olimpbase.org (engelsch)